MAYO 17, 2024
RUSSIA

‘Bahin Ako sang Pamilya nga Nagasimba kay Jehova’

I-PLAY

Sa indi madugay, ipahibalo sang Vyselkovskiy District Court of the Krasnodar Territory ang desisyon sini sa kaso ni Brother Sergey Dvurechenskiy. Wala pa sang ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Sergey Dvurechenskiy

Natawo: 1975 (Vyselki)

Biograpiya: Nagaobra sia sa konstruksion

Gin-agda sia nga mag-attend sa miting sang kongregasyon. Nanamian sia sa mga panudlo sang Biblia kag kon paano ginasunod sang mga Saksi ni Jehova ang ila ginatudlo. Nabawtismuhan sia sang 2001

Napangasawa niya si Yelena sang 2009

Ang Iya Ginsiling

Ano nga importante nga leksion ang natun-an mo sa sini nga eksperiensia?

Samtang padayon ko nga ginaatubang ini nga paghingabot, ginabuligan ako ni Jehova nga mas maintiendihan ang ginsiling sa Salmo 18:35: “Ginaamligan mo ako paagi sa imo taming, Ginabuligan mo ako sang imo tuo nga kamot, Kag ginapabantog ako sang imo pagkamapainubuson.” Ginapahanumdom sa akon sini nga teksto nga padayon gid ako nga suportahan ni Jehova, sa masami paagi sa akon mga kauturan. Sa kada tion nga ginabuligan nila ako, nabatyagan ko gid nga nagaulikid sila sa akon, kag nakabulig ini sa akon nga magpakita man sang pag-ulikid kag pag-apresyar sa ila. Isa kita ka nahiusa nga lawas. Nalipay gid ako nga bahin ako sang pamilya nga nagasimba kay Jehova.

Napalig-on gid kita sa halimbawa sang katutom pareho ni Sergey kag sang iban pa nga naghimo kay Jehova nga isa ka ‘taming sa tanan nga nagadangop sa iya.’—Salmo 18:30.

Time Line

Pebrero 13, 2022

Gin-raid sang mga awtoridad ang 31 ka balay, lakip ang balay ni Sergey, sa Vyselki kag sa malapit nga mga banwa
Hunyo 15, 2023

Ginsugdan ang kaso
Agosto 10, 2023

Ginbutangan sang restriksion ang iya pagbiyahe
Pebrero 8, 2024

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE