PEBRERO 20, 2023
RUSSIA

“Basta Kaupod Ko si Jehova, Wala Gid Ako sing Kabalak-an”

I-PLAY

Sang Pebrero 17, 2023, nagdesisyon ang Gorno-Altayskiy City Court of the Republic of Altai nga guilty si Brother Aleksandr Kalistratov kag ginsentensiahan sia sang anom ka tuig kag tunga nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Aleksandr Kalistratov

Natawo: 1976 (Biysk, Altai Territory)

Biograpiya: Napatay ang tatay ni Aleksandr sang tatlo ka tuig ang iya edad. Nag-obra sia bilang psychologist para sa mga bata

Nagapati sia sa ebolusyon. Nagtuon sa Biblia ang iya nanay upod sa mga Saksi ni Jehova. Nanamian sia sa maathag nga pagsugid sang Biblia parte sa pagpanuga

Nabawtismuhan sia sang 1994. Napangasawa niya si Yuliya sang 2020

Duha ka beses na sia nga ginkasuhan sadto. Ang una sang 2000 sang nangindi sia nga magsoldado kag ang ikaduha sang 2010 bangod sa extremism

Ang Iya Ginsiling

Ano nga mga leksion ang imo natun-an sang napriso ka sang nagligad?

Sang una nga tion nga ginkasuhan ako, 21 ka adlaw ako sa detention center kag wala gid ako sing kontak sa iban nga tawo. Gani natun-an ko nga kay Jehova lang gid magsalig. Narealisar ko nga basta kaupod ko si Jehova, wala gid ako sing kabalak-an. Subong, kon nagakabalaka ako parte sa palaabuton, ginadumdom ko kon paano ako gin-atipan ni Jehova sang una. Gani, sigurado gid ako nga kontrolado niya ang tanan.

Ano nga teksto sa Biblia ang nagpabakod sa imo kag sa imo asawa?

Madamo nga beses nga nabuligan kami sang akon asawa sang Ikaduhang Samuel kapitulo 22. Ang bersikulo 3 nagasiling: “Ang akon Dios amo ang akon igang, nga akon dalangpan, sia ang akon taming . . . , ang akon malig-on nga dalangpan kag ang akon palalagyuhan, ang akon manluluwas.” Antes kami magkadto sa korte, ginabasa namon ini sing magkaupod. Ginapahanumdom sini sa amon nga si Jehova ang ginahalinan sang amon kusog.

Nagasalig kita nga padayon nga pamatian ni Jehova ang tingog sang iya matutom nga mga alagad kon magpanawag sila bangod sa ila mga kabudlayan.—2 Samuel 22:7.

Time Line

2000

Gin-aresto sia kay nangindi sia nga magsoldado. Ginbutang sia sa pretrial detention sa sulod sang 21 ka adlaw. Napamatud-an sang ulihi sang korte nga wala sia sing sala
2010

Ginkasuhan sia sang extremism. Duha ka beses nga gin-hearing ang iya kaso kag sang ulihi gindala ini sa Supreme Court of the Altai Republic. Didto napamatud-an nga wala sia sing sala sa tanan nga akusasyon
Disiembre 16, 2021

Ginsugdan ang kaso
Enero 16, 2022

Gin-raid sang mga pulis ang lima ka balay sang mga Saksi ni Jehova sa Republic of Altai. Puersa nga ginsulod sang mga FSB agent ang balay sang mga Kalistratov kag gin-detain si Aleksandr para interogahon. Ginpagua sia sang gab-i na kag ginbutangan sing restriksion ang iya pagbiyahe
Agosto 25, 2022

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE