MARSO 22, 2023
RUSSIA

“Determinado Ako nga Himuon ang Bisan Ano nga Ipahimo ni Jehova sa Akon”

I-PLAY

Sa indi madugay, ipahibalo sang Ashinskiy City Court of the Chelyabinsk Region ang desisyon sini sa kaso ni Brother Vadim Fedorov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Vadim Fedorov

Natawo: 1968 (Rudny, Kazakhstan)

Biograpiya: Nagaobra sia bilang freight handler

Napangasawa niya si Lyubov sang 1991. May lima sila ka bata

Nanamian sia sang promisa sang Biblia nga kabuhi nga wala sing katapusan. Sia kag ang iya asawa nabawtismuhan bilang mga Saksi ni Jehova sang 1993

Ang Iya Ginsiling

Paano ka napalig-on sang halimbawa sang iban nga ginahingabot man?

Naistorya ko ang pila ka kauturan nga ginahingabot man subong bangod sang ila pagtuo. Napalig-on gid ako sang naistorya ko si Brother Nikolay Kuzichkin. Nagabalatian sia samtang ginapriso sia. Pero, bisan pa tigulang na sia kag nagamasakit, nanamian gid ako kon maghambal sia kag bilib gid ako sa iya kay saulado niya ang malawig nga mga teksto sa Biblia. Makita ko gid nga ginahigugma niya ang Pulong sang Dios kag may mabakod sia nga relasyon kay Jehova. Nagpahanumdom ini sa akon nga bisan pa tigulang na kita ukon indi maayo ang pamatyag, kag bisan gani ara kita sa prisuhan, puede gihapon kita mangin malapit kay Jehova. Samtang nagapamati ako kay Nikolay, ginpahanumdom ako nga si Jehova lang ang makahatag sang gahom nga labaw sa kinaandan.

Ano nga kinaiya ang natun-an mo sa sining mabudlay nga mga sitwasyon?

Kon kaisa nagapadasudaso ako. Gani, may mga bes nga nagahimo ako sang desisyon nga base lang sa akon balatyagon. Ini nga eksperiensia nakabulig sa akon nga indi magdali, ilabi na kon kinahanglan ko maghulat kon paano maniobrahon ni Jehova ang mga nagakatabo sa akon kabuhi. Determinado ako nga himuon ang bisan ano nga ipahimo ni Jehova sa akon.

Pareho kay Vadim, nagasalig kita nga pakamaayuhon kag pabakuron ni Jehova ang padayon nga nagalaum kag ‘nagasunod sa iya dalanon.’—Salmo 37:34.

Time Line

Hunyo 11, 2021

Gin-raid sang mga pulis ang balay ni Vadim kag ang balay sang iya bata nga si Andrey
Abril 29, 2022

Ginkasuhan si Vadim
Disiembre 1, 2022

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE