ENERO 4, 2023
RUSSIA

Determinado nga Magbulig sa Iban Bisan Ginahingabot

I-PLAY

Sa indi madugay, ipahibalo sang Kuznetskiy District Court of Novokuznetsk ang desisyon sini sa kaso ni Sister Tatyana Sushilnikova. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Tatyana Sushilnikova

Natawo: 1959 (Korkino, Chelyabinsk Region)

Biograpiya: Nag-obra sia bilang safety engineer kag foreman sa isa ka pabrika. Napamana niya si Sergey sang 1979. May duha sila ka bata nga babayi

Nakilala niya ang mga Saksi ni Jehova paagi sa iya paryente. Nagtuon sia sa Biblia upod sa iya bana. Nagdayaw sia sa gugma sang mga Saksi. Nabawtismuhan sila nga duha sang 1996

Ang Iya Ginsiling

Paano ka napalig-on sang halimbawa sang iban?

Ang pagbasa sang mga artikulo parte sa aton mga kauturan nga gin-aresto man kag gin-hearing nakabulig sa akon. Sa sini nga mga report nabal-an ko kon ano ang posible matabo, gani wala ako nag-panic ukon nakulbaan sang ako naman ang gin-aresto. Dugang pa, nakabulig man ang mga halimbawa sang mga napriso. Bisan pa ginabudlayan sila sa ila sitwasyon, nagahimo sila sang mga sulat para palig-unon ang ila mga kauturan nga wala napriso.

Daku man ang nabulig sang akon bana nga si Sergey. Sang gin-hearing sia, wala nadula ang iya pagsalig kay Jehova ukon ang iya determinasyon nga mangin matutom. Kag wala sia naluyahan ukon nahadlok sa posible matabo sa iya. Ginapensar niya ang iya mga kauturan kag nagapangita sia sing paagi para palig-unon kag pabakuron sila. Determinado ako nga buligan ang iban sa bisan ano nga paagi nga masarangan ko. Bangod madamo ako sang ginahimo, nakabulig ini sa akon nga indi magpokus sa akon mga problema.

Pareho kay Tatyana, napabakod man kita sa halimbawa sang ‘daku nga panganod sang mga saksi’ nga padayon nga nagabatas sang mga paghingabot sa bulig ni Jehova.—Hebreo 12:1.

Time Line

Hunyo 8, 2021

Gin-raid sang armado nga mga FSB agent ang tatlo ka balay sang mga Saksi ni Jehova sa Novokuznetsk. Si Tatyana kag ang iya bana nga si Sergey gin-interogar sing tatlo ka oras
Hunyo 20, 2022

Ginsugdan ang kaso. Gin-akusahan nga nagadumala sang pag-istoryahanay parte sa relihion kag nagapartisipar sa mga miting
Hulyo 22, 2022

Ginkasuhan
Septiembre 27, 2022

Ginsugdan ang hearing. Ginbalik sang judge ang kaso sa piskal kay indi insakto ang pag-uyat sang awtoridad sa kaso
Nobiembre 16, 2022

Ginpadayon ang pag-hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE