Sang Pebrero 10, 2021, gin-deny sang Kursk Regional Court ang pangabay nga paguaon sing temprano si Brother Dennis Christensen. Ginpangabay niya ang korte nga multahan na lang ang iya nabilin nga mga inadlaw sa prisuhan. Mga isa ka tuig na nga nangin kalipikado si Dennis nga mangabay sing parole, pero pirme lang gina-deny ang iya mga pangabay.

Sining karon lang, nagsulat si Dennis sa iya asawa nga si Irina. Ginsambit niya ang isa sa iya paborito nga mga teksto: “Gani indi kita magpangampo sa paghimo sing maayo, kay sa nagakaigo nga tion magaani kita kon indi kita paglapyuon.” (Galacia 6:9) Nagsiling sia nga sigurado gid sia nga padyaan sila ni Jehova kon padayon sila nga maghimo sing maayo, magbulig sa iban, kag indi mag-untat sa pag-alagad. Nagsiling man sia nga gusto niya nga kon maggua sia sa prisuhan, mas mabakod ang iya kaangtanan kay Jehova sangsa tion nga nagsulod sia sa prisuhan.

Sugod pa sang Mayo 2017 nga ginpriso si Dennis. Gani mga apat ka tuig na sia sa prisuhan nga indi upod ang iya asawa nga si Irina. Maayo gid sila nga halimbawa para sa aton. Ginpakita nila ang pagsalig kay Jehova, kalinong, kag determinasyon nga magpabilin nga matutom.—Filipos 1:14.