Sang Disiembre 23, 2020, gin-deny sang Kemerovo Regional Court ang appeal ni Brother Khasan Kogut. Gani ipatuman na ang iya duha ka tuig kag tunga nga suspended prison sentence. Indi sia kinahanglan nga prisuhon sa sini nga tion.

Bisan pa nga nasubuan si Khasan kay magaguba ini sang iya maayo nga rekord bilang isa ka citizen, wala sia nagakabalaka kay kabalo sia nga mabakod ang iya integridad kag nalipay si Jehova sa iya. Si Khasan kag ang iya asawa nga si Yekaterina, kag ang ila walo ka tuig nga bata nga si Timofey, determinado nga padayon nga mag-alagad kay Jehova bilang isa ka pamilya.

Sa iya katapusan nga mensahe sa korte sang Septiembre 10, 2020, si Khasan may kaisog nga nagsiling: “Indi ko gid pagtalikdan ang akon pagtuo kay Jehova nga Dios, kag nagapati ako nga isa ka krimen ang panikasog nga puersahon ako nga himuon ini! Kumbinsido gid ako sa sini. Sa ano man nga sitwasyon nga maagyan ko, ‘bisan ang kamatayon ukon ang kabuhi ukon ang mga anghel ukon ang mga panguluhan ukon ang mga butang karon ukon ang mga butang nga maabot ukon ang mga kagamhanan ukon ang kataason ukon ang kadalumon ukon ang iban pa nga tinuga indi makapugong nga mabaton naton ang gugma sang Dios.’”—Roma 8:38, 39.