Sang Enero 19, 2021, gin-deny sang Kamchatka Territory Court ang pag-apelar ni Brother Sergey Ledenyov. Ipatuman na ang una nga desisyon sa iya nga duha ka tuig nga suspended prison sentence. Indi sia kinahanglan nga prisuhon sa sini nga tion.

Antes gin-deny sang korte ang iya pag-apelar, ginpahambal si Sergey sa korte. Maisog niya nga ginpangapinan ang iya pagtuo kag ginsilingan niya ang korte nga determinado sia nga padayon nga magsimba kay Jehova. Nagsiling sia: “Nagatuo ako bangod sa akon natun-an sa Biblia, indi bangod sa mga kasuguan nga ginapatuman sang bisan ano nga organisasyon. Halimbawa, ‘ang tagsa ka balay may nagtukod, apang ang nagtukod sang tanan nga butang amo ang Dios,’ kag si ‘Jehova ang iya ngalan.’ (Hebreo 3:4; Exodo 15:3) Bisan ano man ang desisyon sang korte, indi ko gid malipatan ini nga mga tinaga kay ari na ini sa akon tagipusuon kag indi man ini mapanas sa Biblia.”