Sang Mayo 29, 2024, nagdesisyon ang Zeyskiy District Court of the Amur Region nga guilty si Brother Yevgeniy Sokolov kag ginsentensiahan sia sang tatlo ka tuig nga suspended prison. Indi niya kinahanglan nga mapriso sa sini nga tion.

Amo ini ang ikaduha nga kaso nga ginpasaka kay Yevgeniy. Ang iya una nga kaso, upod sa siam pa ka brother, wala pa matapos kag gina-hearing gihapon sa siudad sang Voronezh, diin nagaistar subong si Yevgeniy.

Ginsugid ni Yevgeniy kon ano ang nakabulig sa iya nga makabatas: “Natun-an ko nga magsalig pa gid kay Jehova. Mas nakahibalo si Jehova kon paano solbaron ang bisan ano nga problema. Ang iya paagi amo pirme ang pinakamaayo kag makita gid ang kaalam sa sini.”

Pareho kay Yevgeniy, kabay nga masiling man naton kay Jehova: “Ikaw ang akon dalangpan,” kag magsalig kita nga pirme niya ihatag ang bulig nga kinahanglan naton.—Salmo 142:5.

1. Disiembre 15, 2022

   Ginkasuhan sa ikaduha nga bes si Yevgeniy nga wala sia nakahibalo

2. Septiembre 22, 2023

   Nahibaluan ni Yevgeniy ang parte sa iya ikaduha nga kaso. Gin-interogar sia kag ginkasuhan nga “nagahanda kag nagadumala sang relihioso nga mga miting”

3. Abril 22, 2024

   Ginsugdan ang hearing

4. Mayo 29, 2024

   Gindesisyunan nga guilty kag ginsentensiahan sang tatlo ka tuig nga suspended prison