Sang aga sang Pebrero 10, 2021, gin-raid sang mga awtoridad sang Russia ang indi magnubo sa 15 ka balay sang aton mga kauturan sa Moscow kag sa mga lugar nga malapit sa sini. Ang mga pulis kag ang mga agent sang Federal Security Service (FSB) ang nagpang-raid. Gindala sang mga agent ang pila ka mga brother para interogahon. Indi magnubo sa tatlo ka brother ang gin-detain.

Padayon naton nga ginapangamuyo ang aton mga kauturan sa Russia. Kabalo kita nga ginapabakod sila ni Jehova para mabatas nila ang paghingabot.—1 Pedro 5:10.