NOBIEMBRE 25, 2021
RUSSIA

Ginapaumpawan ni Jehova si Brother Yevgeniy Korotun

I-PLAY

UPDATE | Ang Korte sa Russia Nagdesisyon nga Guilty si Brother Yevgeniy Korotun

Sang Enero 20, 2022, ang Severskiy City Court of the Tomsk Region nagdesisyon nga guilty si Brother Yevgeniy Korotun kag ginsentensiahan sia nga mapriso sing pito ka tuig. Gilayon nga ginpatuman ang sentensia sa iya.

Time Line

Marso 31, 2021

Nagsugod ang hearing
Septiembre 7, 2020

Gindala sia kag ginbutang sa pretrial detention sa tapos sia makaatubang sa korte
Hulyo 15, 2020

Gin-house arrest sia
Hulyo 14, 2020

Gin-raid sang mga FSB agent ang mga balay sang anom ka pamilya sang mga Saksi ni Jehova sa Seversk, lakip ang balay sang mga Korotun
Hulyo 13, 2020

Ginpasakaan sang kaso si Yevgeniy
2018–2019

Duha ka undercover agent ang nagpakunokuno nga interesado sa Biblia kag sekreto nila nga ginrekord ang ila pagpakig-istorya kay Yevgeniy para gamiton nga ebidensia batok sa iya

Impormasyon Parte sa Iya

Yevgeniy Korotun

Natawo: 1970 (Seversk)

Biograpiya: Nagtuon sia sing art. Nagtrabaho man sia bilang panday, decorative plasterer, kag plumber. Nanamian man sia magpangpiktyur kag magbasa

Sa tapos niya matun-an sing halos pulo ka tuig ang Biblia, nakumbinsi sia nga Pulong ini sang Dios. Nabawtismuhan sia sang 2008. Ginsugid man niya ang kamatuoran parte sa Biblia sa iya asawa nga si Yevgeniya, nga nangin isa man sa mga Saksi ni Jehova. May dies anyos sila nga bata nga si Aleksandr

Ang Ginsiling sang Iya Asawa nga si Yevgeniya a

Ano nga mga kabudlayan ang imo gin-atubang sang gin-detain ang imo bana?

Gin-block sang Federal Financial Monitoring Service ang amon mga debit kag credit card. Madamo nga beses ako nga nakig-istorya sa sarisari nga ahensia sang gobierno para masolbar ini nga problema. Sa sini nga mga tion, gingamit ni Jehova ang mga kauturan para buligan kami sa amon mga kinahanglanon.

Ano ang nakabulig sa imo nga mangin malipayon gihapon kag indi magkabalaka sing sobra?

Nakabulig gid ang akon maayo nga rutina sa pagsimba sa Dios . . . Bangod wala si Yevgeniy para magpangamuyo para sa akon kag sa amon pamilya, pirme gid ako nagapakig-istorya kay Jehova. Nadiskobrehan ko nga madamo gali ako sing topiko nga maistorya sa iya. Ginsugdan ko man nga basahon ang mga artikulo parte sa paghingabot, kaisog, pagbatas, katutom, bug-os uniberso nga pagkasoberano, kag ang balor sang positibo nga panimuot. Kon ginakapoy na ako sa pagbasa, nagatan-aw ako sang mga video sa aton broadcasting. Makapalig-on man ang aton mga kanta.

Kamusta ang inyo bata nga si Aleksandr kay wala ang iya tatay?

Kon kaisa nagahibi sia kag nagasiling nga nahidlaw sia sa iya tatay . . . Pero wala sia nagapangasubo pirme. Mas madamo ang tion nga positibo sia kag masinadyahon. . . . Siling niya gusto na niya magpabawtismo. Gani nalipay gid ako.

Nagasalig gid kita nga wala ginapabay-an ni Jehova ang pamilya Korotun kag ang tanan nga nagaalagad sa iya sing matutom bisan sa mabudlay nga sitwasyon.—Roma 15:5.

a Bangod ara sa pretrial detention subong si Brother Korotun, indi sia puede interbyuhon.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE