ABRIL 26, 2023
RUSSIA

“Ginauyatan Kami ni Jehova sang Iya Duha ka Kamot”

I-PLAY

Sa indi madugay, ipahibalo sang Central District Court of Prokopyevsk ang desisyon sini sa kaso ni Brother Yuriy Chernykh. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Yuriy Chernykh

Natawo: 1975 (Kimovsk, Tula Region)

Biograpiya: Nag-obra sia bilang coal miner sing sobra 20 ka tuig

Napangasawa niya si Yelena sang 2006. May tatlo sila ka bata nga lalaki

Nagdayaw sia kon paano natuman sing detalyado ang mga tagna sa Biblia. Nabawtismuhan sia bilang isa sa mga Saksi ni Jehova sang 2007

Ang Iya Ginsiling

May teksto bala sa Biblia nga nakabulig gid sa imo sa sini nga tion?

Nabuligan gid ako sang Isaias 30:15 halin sang nagsugod ang paghingabot. Sa sini nga teksto si Jehova nagsiling: “Mangin mabakod kamo kon magpakalinong kamo kag magsalig sa akon.” Sang gindala kami sang akon asawa para interogahon, ginpangamuyo ko gid ang amon pamilya. Sina nga tion, nagbatyag gid ako sang kalinong nga daw pareho sang mga balod nga nagahampas sa baybayon. Nabatyagan ko gid kag sang akon pamilya nga ginauyatan kami ni Jehova sang iya duha ka kamot para suportahan kag pabakuron.

Ano nga kinaiya ang natun-an mo bangod sining mabudlay nga sitwasyon?

Sang una, nabudlayan ako magpakita sang pasensia, pero ginbuligan ako sini nga sitwasyon nga mangin mapinasensiahon pa gid. Natun-an ko nga ginasabat gid ni Jehova ang akon mga pangamuyo sa husto nga tion.

Nagasalig kita nga padayon nga hatagan ni Jehova ang tanan niya nga matutom nga alagad sing ‘paghidait nga kaangay sang suba’ samtang ginatinguhaan nila nga makapabilin nga matutom sa iya.—Isaias 48:18.

Time Line

Hulyo 12, 2020

Gin-raid ang iya balay. Gin-interogar si Yuriy kag si Yelena
Nobiembre 5, 2021

Ginsugdan ang kaso
Nobiembre 10, 2021

Gin-raid liwat ang iya balay
Abril 26, 2022

Ginbutangan sing restriksion ang pagbiyahe ni Yuriy
Hulyo 18, 2022

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE