AGOSTO 31, 2022
RUSSIA

“Ginhatagan Ako ni Jehova sang Maisog nga mga Abyan”

I-PLAY

Sa indi madugay, ipahibalo sang Kuznetsk District Court of Novokuznetsk, Kemerovo Region, ang desisyon sini sa kaso ni Brother Sergey Sushilnikov. Wala pa sing may ginsiling ang piskal kon ano nga sentensia ang gusto niya sa sini nga kaso.

Time Line

Nobiembre 2019

Gin-wiretap kag gin-surveillance paagi sa video sang mga imbestigador ang balay ni Sergey
Hunyo 3, 2021

Gin-akusar sia
Hunyo 8, 2021

Gin-raid ang iya balay. Si Sergey kag ang iya asawa gindala para interogahon
Hulyo 15, 2021

Gindugang sia sa listahan sang gobierno sang mga terorista kag wala sia gintugutan nga mag-withdraw sa iya mga bank account
Pebrero 8, 2022

Ginkasuhan sia nga nagaorganisar kag nagapadayon sang hilikuton sang isa ka extremist nga organisasyon. Ginbutangan sang mga restriksion ang iya pagbiyahe
Marso 30, 2022

Ginsugdan ang hearing

Impormasyon Parte sa Iya

Sergey Sushilnikov

Natawo: 1957 (Korkino, Chelyabinsk Region)

Biograpiya: Supervisor sia sa isa ka energy plant. Retirado na sia subong

Napangasawa niya si Tatyana sang 1979. May duha sila ka bata nga babayi

Nakilala niya ang mga Saksi ni Jehova paagi sa pakaisa sang iya asawa. Nabawtismuhan sila nga duha ni Tatyana sang 1996

Ang Iya Ginsiling

Ano nga mga prinsipio sa Biblia ang nakabulig sa imo sa sining mabudlay nga tion?

Nanamian gid ako sang Hulubaton 17:17, nga nagasiling: “Ang matuod nga abyan nagahigugma sa tanan nga tion, kag isa ka utod nga masaligan sa tion sang kalisdanan.” Naintiendihan ko gid ang buot silingon sini sang ginhingabot ako kag wala ako sing mahimo kon ako lang. Ginhatagan ako ni Jehova sang maisog nga mga abyan nga handa pirme nga magbulig kon nabudlayan ako.

Ano nga espesipiko nga bulig ang ginhimo sang mga kauturan sa imo kag sa imo asawa?

Sang gin-raid ang amon balay, gindala kami sa presinto para interogahon. Una nga ginpapauli ang akon asawa kag pag-abot gid niya sa balay, may nag-abot dayon nga isa ka maisog nga sister. Madamo pa nga mga kauturan ang nag-abot kag nagpanghimos sa amon apartment pagkatapos sang raid. Nag-abot ang isa ka elder para kamustahon kami, bisan pa delikado gid ini nga himuon sadto nga tion.

Si Jesus nagsiling sa Juan 13:35: “Paagi sini mahibaluan sang tanan nga mga disipulo ko kamo, kon nagahigugmaanay kamo.” Makalilipay gid nga may mapinalanggaon kami nga mga abyan ni Tatyana kag naeksperiensiahan gid namon ang ila gugma.

Makapaumpaw gid nga mahibaluan nga si Jehova nagabulig gid sa iya matutom nga mga alagad sa “tion sang kalisdanan.”—Salmo 46:1.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE