Sang Marso 1, 2019, ginkanselar sang Korte Suprema sang Republika sang Kabardino-Balkaria ang desisyon sang lower court kay Brother Arkadya Akopyan. Naglawig sing sobra isa ka tuig ang pagbista sa iya bangod sa akusasyon nga pagpanagtag sing “batok sa gobierno” nga mga literatura kag ‘pagsugyot nga magdumtanay ang mga relihion.’

Sang nagligad, ginsentensiahan sang lower court ang 70 anyos nga si Brother Akopyan nga maghimo sing community service. Pero sining karon lang, ginkanselar sang Korte Suprema ang desisyon sang lower court.

Ginapasalamatan gid naton si Jehova sa sini nga kadalag-an kag nagakalipay kita upod kay Brother Akopyan. Padayon naton nga ginapangamuyo nga matutom nga makabatas ang aton mga kauturan.—2 Tesalonica 1:4.