Sang Abril 20, 2023, ginpasakaan sang bag-o nga kaso sang mga awtoridad sa Russia si Brother Dmitriy Terebilov. Napriso na sia bangod sang iya pagtuo halin sang Septiembre 2021. Ini ang una nga tion nga ginkasuhan ang isa sa mga Saksi ni Jehova nga napriso sa Russia kay nagpakig-istorya sia parte sa Biblia sa iya pareho nga priso halin sang gin-ban sang Supreme Court ang hilikuton sang mga Saksi ni Jehova sang 2017. Kon masentensiahan si Dmitriy nga guilty sa sining bag-o nga kaso, posible nga mapriso sia sing asta walo ka tuig dugang sa iya tatlo ka tuig nga sentensia subong.

Samtang nagalala ang paghingabot sa Russia, nagasalig pa gid kita nga padayon si Jehova nga maghatag sang “gahom nga labaw sa kinaandan” sa aton mga kauturan sa Russia.—2 Corinto 4:7.