ENERO 7, 2022
RUSSIA

Ginkasuhan si Brother Vladimir Chesnokov, si Brother Vladimir Dutkin, kag si Brother Valeriy Yakovlev Bangod sang Ila Pagtuo sa Dios

I-PLAY

UPDATE | Ang Korte sa Russia Nagdesisyon nga Guilty ang Tatlo ka Saksi

Sang Pebrero 10, 2022, ang Kalininskiy District Court of Cheboksary nagdesisyon nga guilty si Brother Vladimir Chesnokov, si Brother Vladimir Dutkin, kag si Brother Valeriy Yakovlev. Si Brother Dutkin ginmultahan sing 500,000 rubles ($6,715 U.S.), kag sanday Brother Chesnokov kag Brother Yakovlev ginmultahan sing 400,000 rubles ($5,372 U.S.) ang kada isa sa ila. Indi sila kinahanglan nga mapriso sa sini nga tion.

Time Line

Hunyo 7, 2021

Gindugang sa mga ginpasakaan sing kaso sanday Vladimir Chesnokov kag Valeriy Yakovlev
Disiembre 30, 2020

Ginpasakaan sing kaso si Vladimir Dutkin kag gindumilian nga magbiyahe
Nobiembre 25, 2020

Ginpasakaan sing kaso si Vladimir Dutkin, kag gin-raid dayon ang iya balay. Gindala sia para interogahon

Impormasyon Parte sa Ila

Vladimir Chesnokov

Natawo: 1959 (Bakhmutovo, Chuvash Republic)

Biograpiya: Naggradweyt sia sa military school bilang lieutenant. Sia kag ang iya asawa nga si Nina may tatlo ka bata nga lalaki

Sang soldado sia, natun-an niya ang promisa sang Biblia nga ang mga tawo ‘magasalsal sang ila mga espada nga mangin mga punta sang arado kag sang ila mga bangkaw nga mangin mga garab nga inughagbas.’ (Isaias 2:4) Nagretiro sia sa pagkasoldado kag nabawtismuhan sang 1993

Ang Iya Ginsiling

Paano ka ginbuligan sang mga kauturan?

Ginbuligan gid ako sang mga kauturan. . . . Ginpamangkot nila kami kon paano sila makabulig sa pinansial kon indi na kami pagtugutan nga maka-withdraw sang kuarta sa banko. Maayo gid ang epekto sini sa akon asawa kay indi pa sia Saksi. Amat-amat na niya nga nahangpan ang mga benepisyo sa pag-aplikar sang mga kamatuoran halin sa Biblia. Mas maayo na ang iya pagtamod sa mga Saksi ni Jehova kag wala na niya ako ginabalabagan nga simbahon si Jehova pareho sang iya ginahimo sang una.

Vladimir Dutkin

Natawo: 1963 (Novoaltaysk, Altai Territory)

Biograpiya: Mahilig sia sa sports, lakip ang volleyball, football, kag hockey. Nagaobra sia bilang insurance agent

Ang pagtuon sang mga tagna sa Biblia kag sang katumanan sini nakabulig nga magbakod ang iya pagtuo kay Jehova nga Dios. Ginbawtismuhan sia sang 2002

Ang Iya Ginsiling

Ano ang nakapabakod sa imo sa sining mabudlay nga tion?

Pagkatapos nga gin-raid ang akon balay, nangamuyo ako nga hatagan ako sing kalipay kag kaalam. Samtang nagakatabo ini, ginahunahuna ko kon paano ang akon maayo nga paggawi makapakabalaan sang ngalan ni Jehova. . . . Nakapabakod gid ini sa akon.

[Nanamian man ako] magsugid sa iban nga kauturan sang mga pagpakamaayo nga nabaton ko. Makita ko nga napabakod sini ang ila pagtuo . . . Nalipay ako kon mabatian ko ang pila sa ila nga nagasiling nga wala na sila nahadlok bangod sang akon halimbawa.

Ang pagbasa kag pagpamalandong sa Pulong sang Dios nakabulig sa aton mga kauturan nga mabatas ang ila mga problema adlaw-adlaw kag maeksperiensiahan nila nga si Jehova “palasilungan sa adlaw sang kagamo.”—Salmo 27:5.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE