Sa Biernes, Pebrero 14, 2020, ipahibalo sang Zheleznodorozhniy District Court sa Khabarovsk ang desisyon sini sa kaso ni Brother Yevgeniy Aksenov. Gusto sang piskal nga prisuhon sing tatlo ka tuig si Brother Aksenov.

Sang Abril 21, 2018, nagtipon sa conference room sang isa ka hotel si Brother Aksenov upod sa iya mga abyan kag kakilala para mag-istoryahanay parte sa Biblia. Sina nga tion, gin-istorya niya kon paano mapabakod sang mga prinsipio sa Biblia ang pamilya. Bangod sini, gin-akusar sia nga “isa ka kriminal nga nagahalit sa komunidad” kag “nagaorganisar sang mga hilikuton sang extremist nga organisasyon.” Nagsugod ang pagbista sang Oktubre 21, 2019.

Samtang nagahilapit nga matapos ang pagbista kay Brother Aksenov, ginapangamuyo naton nga sia kag ang iya pamilya padayon nga magsalig sa bulig ni Jehova kag sa Iya promisa nga “wala ginakulang” ang mga mainunungon sa iya.—Salmo 34:9.