Sang Oktubre 23, 2020, ginpamatbatan sang Oktyabrsky District Court sang Kirov nga guilty si Brother Anatoliy Tokarev kag ginmultahan sia sing 500,000 rubles ($6,552 U.S.). May ara sia pulo ka adlaw para makaapelar.

Sa iya katapusan nga mensahe sa korte, si Brother Tokarev may kaisog nga nagsiling: “Sa pag-atubang ko sa sining kaso kriminal, ang mga opisyal nga nagapatuman sang kasuguan daw pareho lang nga nagasiling sa akon: ‘Kon indi mo pagtalikdan ang imo pagtuo, . . . pakahuy-an ka sa publiko ukon silutan sang mabug-at.’ . . . Your Honor, sa una pa lang nga adlaw sang pagbista sa akon kag suliton ko liwat subong, indi ko gid mahimo nga talikdan ang akon pagtuo sa Dios. . . . Siempre, nahadlok man ako kay mahimo ako prisuhon ukon patyon pa gani, pareho man sa posible nga batyagon sang iban nga Saksi. Ginaguba man sang awtoridad ang akon reputasyon kon ginatawag nila ako nga extremist kag ginapakahuy-an sa atubangan sang mga tawo, bisan pa wala man ako sing nahimo nga sala. Pero bisan pa amo sini ang pagmaltrato sa akon, your Honor, indi ko gid pagtalikdan ang Dios kay indi ko gid gusto nga madula ang iya pagpalangga sa akon.”