Sang Pebrero 15, 2021, ang Birobidzhan District Court of the Jewish Autonomous Region nagdesisyon nga guilty si Sister Svetlana Monis sa kaso nga ginpasaka sa iya nga pagpakigbahin sa mga hilikuton sang isa ka gin-ban nga organization. Ang korte nagmando nga multahan sia sing 10,000 rubles ($135 U.S.).

Sa iya katapusan nga mensahe sa korte, ginpakita ni Svetlana ang iya pagtuo kag kaisog. Nagsiling sia: “Gusto ko ihambal nga nagaatubang ako subong sa korte . . . bangod sa ngalan sang aton Ginuo nga si Jesucristo, kag sang iya Amay nga si Jehova nga Dios. May ginasiling ang Biblia parte sa sina. Ang 1 Pedro 4:14-16 nagasiling: ‘Kon ginapakahuy-an kamo bangod sa ngalan sang Cristo, magkalipay kamo, bangod ang espiritu sang himaya, ang espiritu mismo sang Dios, yara sa inyo. Apang, dapat nga wala sing isa sa inyo nga mag-antos subong manugpatay ukon kawatan ukon makasasala ukon mahilabtanon sa hilikuton sang iban. Apang kon ang isa nagaantos bangod isa sia ka Cristiano, indi sia magkahuya, kundi padayon niya nga himayaon ang Dios samtang ginadala ini nga ngalan.’”