MAYO 5, 2022
RUSSIA

Ginpabakod ni Jehova si Sergey Kuznetsov

I-PLAY

Sa indi madugay, ipahibalo sang Vyazemskiy District Court of the Khabarovsk Territory ang desisyon sini sa kaso ni Brother Sergey Kuznetsov. Wala pa sing may ginsiling ang piskal kon ano ang gusto niya nga sentensia sa sini nga kaso.

Time Line

Septiembre 3, 2020

Gin-raid sang mga agent sang FSB ang balay ni Sergey. Ginkumpiskar nila ang isa ka Biblia, mga gadyet, mga flash drive, kag mga publikasyon
Abril 2, 2021

Ginbutang sia sa listahan sang mga terorista. Gin-freeze ang iya mga bank account
Nobiembre 9, 2021

Ginsugdan ang hearing

Impormasyon Parte sa Iya

Sergey Kuznetsov

Natawo: 1991 (Alonka, Khabarovsk Territory)

Biograpiya: May duha sia ka magulang nga babayi. Nanamian sia mag-basketball, mag-ski, kag mag-volleyball

Nakumbinsi sia nga insakto ang mga tagna kag may Manunuga sang nagtuon sia sang Biblia. Nabawtismuhan sia bilang isa sa mga Saksi ni Jehova sang 2014

Naghimo sia sang alternative civilian service sa isa ka psychiatric hospital sa baylo nga magsoldado

Ang Iya Ginsiling

Paano ka ginpabakod sang imo mga kauturan?

Ang ginatos ka kauturan nga gin-akusar daw pareho sa maisog nga mga soldado nga handa nga mag-antos para sa ngalan sang Cristo. Nalipay ako nga mangin pareho man sa ila.

Ginsuportahan gid ako sang mga kauturan sa amon kongregasyon. Ang pagpangabudlay upod sa mga kauturan nakabulig sa akon nga magpabilin nga mainunungon kay Jehova para mabaton ko ang padya. Pareho ini sa pagsaka sa Mount Everest. Mabudlay gid ini kon isa ka lang . . . Pero kon madamo kita nga nagaupdanay, mapalig-on naton ang kada isa kag may kusog kita para makapadayon.

Nagasalig kita nga pabakuron ni Jehova ang tanan nga kauturan sa Russia kag sa Crimea samtang nagabatas sila para sa iya ngalan.—Bugna 2:3.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE