PEBRERO 21, 2024
RUSSIA

Ginpabakod sang Madamo nga Kauturan

I-PLAY

Sa indi madugay, ipahibalo sang Central District Court of Tolyatti ang desisyon sini sa kaso ni Sister Yelena Yurenkova. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Yelena Yurenkova

Natawo: 1970 (Tolyatti, Samara Region)

Biograpiya: May mga pamangkot sia parte sa kahulugan sang kabuhi, pero wala niya nakita ang mga sabat sa mga libro sang pilosopiya kag sa iban pa nga libro. Nakumbinsi sia nga ara sa Biblia ang kamatuoran sang nagpa-Bible study sia sa mga Saksi ni Jehova. Nabawtismuhan sia sang 1999

Napamana niya si Yuriy sang 2000. May duha sila ka bata nga babayi

Ang Iya Ginsiling

Ano ka importante ang suporta sang mga kauturan para sa imo?

Sang una nga bes nga nakilala ko ang abogado nga gin-asayn sang gobierno sa akon, indi niya maintiendihan kon ngaa indi lang ako makontento sa pagbasa sang Biblia kag pagpangamuyo. Natingala sia kon ngaa gusto ko gid makig-upod sa akon mga kauturan para magsimba, ilabi na nga magaresulta ini nga makasuhan ako bilang isa ka kriminal. Ginpamangkot ko sia kon nanamian sia maglakatlakat sa kakahuyan. Siling niya, nagaistar sia sa kakahuyan kag nanamian gid sia sang malinong nga palibot. Siling ko sa iya nga kon kaupod ko ang akon mga kauturan, daw pareho lang nga ara ako sa tunga sang malapad kag matahom nga kakahuyan. Indi kami pareho sang isa ka kahoy nga nagaisahanon, nga wala sing may nagaamlig. Pareho sang mga kahoy sa kakahuyan, ginasuportahan kag ginapabakod namon ang isa kag isa.

Nagapasalamat kita kay Jehova sa pagpalangga kag pagsuporta nga ginahatag niya kay Yelena kag sa tanan nga nagabatas sang mga paghingabot samtang ‘nagasimba kita sa iya sing nahiusa.’—Sofonias 3:9.

Time Line

Mayo 15, 2023

Ginsugdan ang kaso
Mayo 16, 2023

Gin-raid ang iya balay. Gin-interogar sia kag ginbutangan sing restriksion ang iya pagbiyahe
Hunyo 5, 2023

Ginkasuhan sia
Agosto 23, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE