HULYO 26, 2022
RUSSIA

Ginpabakod sang Pangamuyo

I-PLAY

Sa indi madugay, ipahibalo sang Surgut City Court of the Khanty-Mansi Autonomous Area—Yugra ang desisyon sini sa kaso sang 17 ka brother kag isa ka sister. Lakip sa ila sanday Brother Vyacheslav Boronos, Brother Saveliy Gargalyk, Brother Yevgeniy Kayryak, Brother Artem Kim, Brother Sergey Loginov, Brother Aleksey Plekhov, kag Brother Sergey Volosnikov. Wala pa sang may ginsiling ang piskal kon ano nga sentensia ang gusto niya sa sini nga kaso.

Time Line

Pebrero 15, 2019

Gin-raid sang mga pulis ang madamo nga balay sang mga Saksi ni Jehova sa Surgut kag sa malapit nga mga siudad. Bilang resulta, gindala sa pretrial detention ang tatlo ka utod, lakip si Sergey Loginov. Ang isa pa ka utod ginmanduan nga magpa-psychiatrist. Ang pito ka kauturan sa sini nga report ginmaltrato bangod indi nila pag-isugid ang mga impormasyon parte sa pareho nila nga mga Saksi
Pebrero 26, 2019

Ginmanduan sang European Court of Human Rights ang gobierno sang Russia nga pagguaon si Sergey Loginov para makapabulong sia
Abril 11, 2019

Si Sergey Loginov ginpagua sa pretrial detention
Oktubre 29, 2021

Ginsugdan ang hearing

Impormasyon Parte sa Ila

Saveliy Gargalyk

Natawo: 1960 (Avdarma, Moldova)

Biograpiya: Nanamian sia mag-entra sa track and field sang bata pa sia. Nag-obra sia bilang panday pero nagretiro na sia. Nanamian man sia magpang-garden

Napangasawa niya si Olga sang 1986. May duha sila ka bata nga babayi. Nabawtismuhan sia sang 2006

Ang Iya Ginsiling

Paano ka nabuligan sang pagbasa sa Biblia para mangin maisog?

Kada aga, nagabasa ako sang Biblia kag ginapamalandungan ko ang akon nabasa. Wala ko na nabatyagan ang kahadlok nga nabatyagan ko sang nag-umpisa ini tanan. . . . Ang 2 Cronica 20:15 nagsiling: “Indi kamo mahadlok bangod sining daku nga kadam-an, kay indi kamo ang magapakig-away, kundi ang Dios.” Ang mga bersikulo pareho sini nakabulig sa akon nga tan-awon ang akon sitwasyon suno sa pagtan-aw ni Jehova sa sini.

Yevgeniy Kayryak

Natawo: 1986 (Surgut)

Biograpiya: Natun-an niya upod sa iya mga ginikanan kag duha ka utod ang kamatuoran sa Biblia sang dekada ’90. Nabawtismuhan sia sang 2006. Napangasawa niya si Rosanna sang 2016

Ang Iya Ginsiling

Ano ang nakabulig sa imo para indi ka madaug sang sobra nga pagkabalaka?

Kon kaisa nagapamati ako sa mga ambahanon sang Ginharian. Nagakalma man ako kon magpangamuyo ako sing hanuot. Sang naka-house arrest ako, ginasulat ko sa isa ka notebook ang mga bersikulo sa Biblia kag ang mga liriko sang aton mga ambahanon.

Pirme ko ginapensar ang ginsiling sa Mateo 10:28: “Indi kamo mahadlok sa mga makapatay sang lawas apang indi makapatay sang kalag.” Ini nga mga tinaga, nga ara man sa isa sang aton mga ambahanon, nakabulig sa akon nga magsalig pa gid kay Jehova.

Ano ang ginabatyag mo kon ara ka sa hearing sa korte?

Nabatyagan ko nga ginahatagan ako ni Jehova sang kaisog. . . . Kon nahibaluan mo nga insakto ang ginahimo mo, wala sing rason nga ma-guilty ka. Nagaatubang ako sa ila nga may kaisog kag may kompiansa, kag nagahambal sing matinahuron. Ang pagtambong sa mga hearing nakapalig-on sa amon sang akon asawa.

Sergey Loginov

Natawo: 1961 (Republic of Bashkortostan)

Biograpiya: Nailo sia sang bata pa sia. Madamo nga tuig nga sia ang nagaatipan sa iya tiya. Gin-train sia nga mangin electric power engineer kag tinuig sia nga nag-obra sa industriya sang enerhiya

Sang 1993, nagtuon sia sa Biblia upod sa mga Saksi ni Jehova. Nagdayaw gid sia sa mga talaksan sa Biblia kag gusto niya sundon ini sa iya kabuhi. Nabawtismuhan sia sang 1996

Ang Iya Ginsiling

Ano ang nakabulig sa imo nga mangin matutom bisan sa pagmaltrato sa imo sang gina-detain ka?

Nangamuyo ako kag nangayo ako kay Jehova sing kusog para makapabilin nga matutom . . . kag mangin kalmado . . . Kon ara ka sa sitwasyon nga indi mo kontrolado ang nagakatabo sa imo, maeksperiensiahan mo ang bulig ni Jehova sa lain naman nga paagi. Bangod sini ginasalig ko lang sa iya ang tanan.

Aleksey Plekhov

Natawo: 1977 (Surgut)

Biograpiya: Madamo sia sang pamangkot parte sa Manunuga bisan sang bata pa sia. Nalipay sia sa mga sabat sang Biblia sa iya mga pamangkot. Nabawtismuhan sia sang 1996

Nagaobra sia bilang welder. Napangasawa niya si Anna sang 2013. May duha sila ka bata nga babayi

Ang Iya Ginsiling

Ano ang nakabulig sa imo nga mangin matutom bisan ginahingabot ka?

Ginpaandaman ni Jesus ang iya mga sumulunod nga pagahingabuton sila, gani ginapaabot ko na nga hingabuton man ako. Mahimo nga may nabal-an ka parte sa isa ka butang, pero lain gid kon ikaw mismo ang makaeksperiensia sini. Sa sina nga mga tion, ang ginapensar ko lang amo nga dapat magpabilin ako nga matutom asta sa katapusan. Sina nga adlaw asta sa gab-i, nagabalikbalik sa akon pensar ang kanta nga “Hatagi ’Ko Kaisog,” kag sulitsulit ko ini nga ginakanta sa akon kaugalingon samtang ginamaltrato ako.

Samtang padayon nga ginahingabot ang aton mga kauturan, nagasalig kita nga ginapamatian ni Jehova ang ila mga pangamuyo kag ginasabat sila gilayon kon nabudlayan na gid sila.—Salmo 69:17.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE