Sang Disiembre 19, 2023, ginpagua sa prisuhan si Brother Vladimir Balabkin pagkatapos sia mapriso sang sobra tatlo ka bulan sang iya apat ka tuig nga sentensia. Gindesisyunan sia nga guilty kag ginsentensiahan sang Septiembre 13, 2023. Gin-apelar ni Vladimir ang desisyon sang korte. Ginbag-o sang tatlo ka judge ang iya nga sentensia sang gin-hearing ang iya pag-apelar. Gani, ginpanubuan ang iya sentensia nga apat ka tuig nga pagkapriso sa isa na lang ka tuig.

Sang gin-hearing sia, maisog nga nagsiling si Vladimir: “Ang akon pagtuo kag mga ginapatihan nabase sa Pulong sang Dios, ang Biblia. Nakabulig sa akon ang Biblia nga mapakita ang mga kinaiya nga gusto sang Manunuga nga makita sa tanan nga tawo, pareho sang kalulo, kaayo, pagpasensia, kag pagpugong sa kaugalingon. Nakabulig gid ini sa akon kag sa akon pamilya. Gusto ko nga matun-an sang tanan ang Pulong sang Dios bangod makabulig ini sa ila nga mangin maayo ang ila kabuhi.”

Nagakalipay kita upod kay Vladimir kag sa iya pamilya samtang padayon naton nga ginapangamuyo ang mga ara sa prisuhan, kag nagasalig kita nga padyaan ni Jehova ang ila pagbatas.—Hebreo 10:34.