Sang Hulyo 6, 2021, ginpagua na sa prisuhan sa siudad sang Orenburg si Brother Aleksey Budenchuk. Natapos na ni Aleksey ang sentensia sa iya. Isa sia sa anom ka brother nga ginpriso sang Septiembre 2019 sa siudad sang Saratov. Wala pa nakagua ang tatlo ka brother nga upod niya. Nagbiyahe sing sobra 800 kilometros ang pamilya kag mga abyan ni Aleksey para sugataon sia sa iya paggua. Mapauli na sia sa ila balay sa Saratov upod sa iya pamilya.