Sang Oktubre 9, 2024, ginpagua si Brother Arsen Avanesov sa isa ka penal colony sa Russia. Gindesisyunan sia nga guilty kag ginsentensiahan sang anom ka tuig kag tunga nga pagkapriso sang Hulyo 29, 2021. Dayon, sang nag-appeal sia, ginhimo sang Judge nga pito ka tuig ang iya pagkapriso. Bangod sobra duha ka tuig na sia nga ara sa pretrial detention antes pa sia nadesisyunan nga guilty, nakompleto na niya ang iya sentensia.

Ang tatay ni Arsen nga si Brother Vilen Avanesov, gindesisyunan man nga guilty sa sina nga hearing kag ginsentensiahan sia sang anom ka tuig nga pagkapriso. Ginpagua sia sang Pebrero 9, 2024.

Nangin mabakod gid si Arsen samtang ara sia sa prisuhan bangod determinado gid sia nga magpabilin nga matutom kay Jehova. Amo ini ang katapusan niya nga ginsiling sa korte antes sia ginpriso: “Nagpromisa ako kay Jehova nga mangin mainunungon. Gindedikar ko ang akon kabuhi sa iya kag ginhimo ko ini sing kinabubut-on. Gani, tumanon ko gid ini nga promisa.” Nagsiling man si Arsen nga mabakod ang iya pagtuo. Nagsiling sia: “Wala gid nagluya ang akon pagtuo, nagbakod pa gid gani ini.”

Nalipay gid kita nga kaupod na ni Arsen ang iya pamilya kag padayon naton ginapangamuyo ang aton mga kauturan nga ara sa prisuhan. Makapaumpaw gid mahibaluan nga bisan pa ‘nagaantos kita sang nanuhaytuhay nga pagtilaw,’ ang aton katutom kag pagbatas padyaan gid sa ulihi.—1 Pedro 1:6, 7.