Sang Pebrero 14, 2020, ginpamatbatan nga guilty kag ginmultahan sang Vilyuchinsk City Court si Brother Mikhail Popov kag ang iya asawa nga si Sister Yelena Popova. Ginmultahan si Brother Popov sang korte sing 350,000 rubles ($5,508 U.S.) kag si Sister Popova sing 300,000 rubles ($4,722 U.S.), pero wala sila ginsentensiahan nga mapriso. Iapelar nila ang desisyon sang korte.

Gin-aresto sanday Mikhail kag Yelena sang Hulyo 2018. Pero ginbuy-an man sila samtang ginahulat ang desisyon sang ila kaso.

Sugod sang 2019, 28 ka mga Saksi ni Jehova na ang ginpamatbatan nga guilty sang mga korte sa Russia bangod sang ila pagtuo. Pulo sa ila ang ginpamatbatan nga guilty sang nagligad nga duha ka bulan, pero wala man sila ginpriso.