HULYO 10, 2023
RUSSIA

Ginsentensiahan nga Guilty ang Tatlo ka Sister sa Komsomolsk-on-Amur

I-PLAY

Sang Marso 23, 2023, ginsentensiahan nga guilty sang Centralniy District Court of Komsomolsk-on-Amur si Sister Tatyana Bondarenko, si Sister Yelena Nesterova, kag si Sister Tatyana Svoboda. Ang kada isa sa ila ginsentensiahan sang lima ka tuig nga suspended prison. Indi nila kinahanglan nga mapriso sa sini nga tion.

Impormasyon Parte sa Ila

Tatyana Bondarenko

Natawo: 1960 (Komsomolsk-on-Amur, Khabarovsk Territory)

Biograpiya: Nag-obra sia bilang milling machine operator kag sang ulihi bilang housekeeper

Napamana niya si Vladimir sang 1992. May tatlo sila ka bata nga lalaki

Nagtuon sia sang Biblia sang matun-an niya ang katuyuan sang Dios para sa mga tawo kag ang promisa nga paraiso nga duta. Nabawtismuhan sia sang 2005

Ang Iya Ginsiling

Paano mo naeksperiensiahan ang bulig ni Jehova sa sining mabudlay nga tion?

Ang akon bana, nga indi Saksi ni Jehova, ara sa ospital sang gin-raid ang amon balay. Gintawgan niya ako sang hapon sina nga adlaw para sugiran ako nga gusto sang mga doktor nga paguaon na sia sa ospital, pero kay ginkumpiskar sang awtoridad ang akon cellphone, wala niya ako makontak. Gab-i na gid sang natapos ang imbestigasyon kag sa amo lang ’na nga tion nga nakakuha ako sang bag-o nga cellphone para tawgan sia kag sugiran sang natabo. Nabalaka gid kami bangod sang natabo. Pero nadumduman ko nga pangabayon si Jehova nga pakalmahon ako, kag ginsabat niya ang akon pangamuyo. Sang makapauli na kami sang akon bana sina nga gab-i, kabuot gid sa iya kag ginbuligan niya ako nga himuson ang balay pagkatapos sang raid. Nagsalig pa gid ako kay Jehova bangod sini nga eksperiensia.

Yelena Nesterova

Natawo: 1967 (Komsomolsk-on-Amur)

Biograpiya: Nag-obra sia bilang accountant

May duha sia ka bata nga babayi, pero ang isa napatay sang 1998

Nakilala niya ang mga Saksi ni Jehova sang nagkuha sia sang abogado nga isa ka Saksi. Nagdayaw sia sa ila pagka-honest kag sa paggamit nila sang Biblia sa pagsabat sang iya mga pamangkot. Nabawtismuhan sia sang 1997

Ang Iya Ginsiling

Ano ang natun-an mo sa sining mabudlay nga eksperiensia?

Nag-athag pa gid sa akon nga mapuslanon gid kon sundon naton ang laygay nga mangin matinumanon. Sa tapos ako ginkasuhan, may brother nga nagpanugda nga ihanda ko na ang akon katapusan nga inughambal sa korte. Basahon ini kon matapos na ang hearing, pero sa pensar ko, ‘Wala pa gani kaumpisa.’ Pero sang ginpangamuyo ko ang parte sini, nakadesisyon ako nga isulat na kon ano ang gusto ko ihambal. Kadasig lang gid sang hearing amo nga kon wala ko ini nahandaan sing abanse, wala kuntani ako nakahatag sing maayo nga panaksi sa korte. Natun-an ko nga daku gid ang benepisyo kon magpamati ako sa laygay sang mga kauturan bisan wala ko pa gid ini maintiendihan.

Nagapangamuyo kita nga padayon nga pakamaayuhon kag pabakuron ni Jehova ang aton mga sister samtang padayon sila nga nangin matutom bisan ginahingabot.—Rut 2:12.

Time Line

Septiembre 21, 2021

Ginkasuhan si Tatyana Svoboda
Oktubre 18, 2021

Gin-imbestigahan man si Tatyana Bondarenko kag si Yelena Nesterova
Oktubre 20, 2021

Gin-raid ang ila mga balay
Agosto 28, 2022

Ginkasuhan sila
Disiembre 28, 2022

Ginsugdan ang ila hearing
Marso 23, 2023

Gindesisyunan nga guilty kag ginsentensiahan sang lima ka tuig nga suspended prison

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE