Sang Pebrero 2, 2021, ginsentensiahan nga guilty sang Birobidzhan District Court of the Jewish Autonomous Region si Artur Lokhvitskiy nga 35 anyos. Ginsentensiahan sing duha ka tuig kag tunga nga suspended prison, kag sing tatlo ka tuig nga probation. Indi kinahanglan mapriso ni Artur sa sini nga tion.

Sa iya katapusan nga mensahe sa korte, si Artur nagsiling: “Pribilehiyo ko gid nga mag-atubang sa sini nga korte bisan ano pa ang mangin sentensia sa akon. Napamatud-an ko liwat nga matuod gid ang ginsiling ni Jesucristo. Mabasa ini sa Biblia sa libro sang Marcos kapitulo 13, bersikulo 9 kag 10: ‘Gani, mag-andam kamo. Dalhon kamo sang mga tawo sa mga hukmanan, . . . agod makapanaksi kamo sa ila. Subong man, dapat anay ibantala ang maayong balita sa tanan nga pungsod.’ . . . Kabalo ’ko nga kinahanglan ibantala ang maayong balita, gani gusto ko isugid sa iban ang kabubut-on sang Dios. Pribilehiyo ko gid nga isugid ini sa imo, Your Honor.”