MARSO 6, 2024
RUSSIA

Ginsentensiahan si Sister Yelena Kozhevnikova sang Duha ka Tuig nga Suspended Prison

I-PLAY

Sang Marso 4, 2024, nagdesisyon ang Tsentralniy District Court of Tolyatti in the Samara Region nga guilty si Sister Yelena Kozhevnikova. Ginsentensiahan sia sang duha ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Yelena Kozhevnikova

Natawo: 1961 (Ivanovo, Ivanovo Region)

Biograpiya: Nag-obra sia bilang sales lady sa isa ka department store. Ang isa lang niya ka bata nga lalaki napatay sang 18 anyos ini

Ginbasa niya ang bilog nga Biblia. Nagpa-Bible study sia sa mga Saksi ni Jehova kag nabal-an niya ang maathag nga sabat sa iya mga pamangkot. Nabawtismuhan sia sang 1998

Ang Iya Ginsiling a

Paano ka nakabenepisyo bangod nagapangamuyo ang iban para sa imo?

Ang pagpangamuyo sang akon mga kauturan para sa akon nakabulig nga mapabakod ang akon determinasyon nga pakigbatuan ang mga kabudlayan nga ginaatubang ko. Ginapakita ni Jehova nga ginasabat niya ang ila mga pangamuyo kag ang akon man, paagi sa paghatag sa akon sang kalinong sa panghunahuna. Nakabulig ini sa akon nga makapamensar sing maayo kag makahimo sang maalamon nga mga desisyon. Nalipay gid si Jehova kon ginapangamuyo naton ang isa kag isa. Ginaimadyin ko nga nagayuhum sia samtang nagaduko kag nagatulok sa aton nga nahiusa sa sini nga paagi. Naeksperiensiahan ko gid ang bulig sini nga mga pangamuyo, gani gusto ko man nga padayon nga ipangamuyo ang iban.

Nagapasalamat kita nga ginasabat ni Jehova ang aton mga pangamuyo “paagi sa gahom sang iya espiritu” nga ginahatag niya kay Yelena kag sa tanan nga kauturan nga nagabatas sang paghingabot.—Efeso 3:16.

Time Line

Mayo 15, 2023

Ginsugdan ang kaso
Mayo 16, 2023

Gin-raid ang iya balay
Mayo 18, 2023

Ginbutangan sing restriksion ang iya pagbiyahe
Agosto 16, 2023

Ginsugdan ang hearing
Marso 4, 2024

Ginsentensiahan sia nga guilty kag ginhatagan sang duha ka tuig nga suspended prison

a Nainterbyu si Sister Kozhevnikova antes sia ginsentensiahan.

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE