HULYO 31, 2024
RUSSIA

Ginsentensiahan si Sister Yuliya Globa sang Suspended Prison

I-PLAY

Sang Hunyo 25, 2024, nagdesisyon ang Unechenskiy District Court of the Bryansk Region nga guilty si Sister Yuliya Globa. Ginsentensiahan sia sang duha ka tuig kag anom ka bulan nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Yuliya Globa

Natawo: 1982 (Ukraine)

Biograpiya: Nag-obra sia bilang maestra sa English

Nabalaka sia parte sa kon ano ang nagakatabo kon mapatay kita. Ang mga sabat nga natun-an niya halin sa Biblia naghatag sa iya sing paumpaw. Si Yuliya kag ang iya duha ka manghod nga babayi nabawtismuhan bilang mga Saksi ni Jehova sang 2003

Napamana niya si Ernst sang 2018

Ang Iya Ginsiling

Ano ang nakabulig sa imo nga makapabilin nga malapit kay Jehova sa sining mabudlay nga tion?

May isa ka brother nga nagpahanumdom sa akon kag sa akon bana nga si Ernst nga ini nga paghingabot indi lang pagpakig-away sa korte kundi pagpakig-away man sa espirituwal. Para kay Jehova, kon padayon kami nga magbatas, madaug namon ini nga pagpakig-away. Kon tan-awon ko ang akon sitwasyon pareho sa pagtan-aw ni Jehova, nakabatyag ako sang kalinong kag nagakalma ako. Proud gid ako nga nagapabilin nga matutom kay Jehova.

Nakabulig man sa akon ang pangamuyo. Kada gab-i, ginalista ko ang mga pagpakamaayo nga nabaton ko sa sina nga adlaw. Dayon ginapasalamatan ko si Jehova kon paano niya ginpakita ang iya gugma sa sarisari nga paagi sa sina nga adlaw. Nagapasalig ini sa akon nga malapit si Jehova sa akon, kag daw ginahakos niya ako sang iya mga butkon.

Nagapasalamat kita nga puede man naton ‘ipautwas kay Jehova ang aton ginabatyag,’ bangod nagasalig kita nga sia ang aton dalangpan.—Salmo 62:7, 8.

Time Line

Mayo 31, 2023

Ginsugdan ang kaso
Hunyo 22, 2023

Gin-raid ang ila balay. Gin-interogar si Yuliya kag si Ernst
Septiembre 28, 2023

Ginbutangan sing restriksion ang iya pagbiyahe
Enero 31, 2024

Ginsugdan ang hearing
Hunyo 25, 2024

Gindesisyunan nga guilty kag ginsentensiahan sang duha ka tuig kag anom ka bulan nga suspended prison

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE