SEPTIEMBRE 15, 2023
RUSSIA

Ginsentensiahan sing Anom ka Tuig kag Isa ka Bulan nga Pagkapriso sa Russia si Brother Sergey Gromov

I-PLAY

Sang Septiembre 14, 2023, nagdesisyon ang Moskovskiy District Court of Kazan nga guilty si Brother Sergey Gromov kag ginsentensiahan sia nga mapriso sing anom ka tuig kag isa ka bulan. Na-detain na sia halin sang Marso 15, 2022, kag padayon sia nga mapriso.

Impormasyon Parte sa Iya

Sergey Gromov

Natawo: 1969 (Kazan, Republic of Tatarstan)

Biograpiya: Nag-obra sia bilang graphic designer

Napangasawa niya si Yelena sang 1990. May isa sila ka bata nga lalaki kag isa ka bata nga babayi

Nagdaku sia nga isa ka atiesta pero pirme niya ginapamensar ang parte sa ginhalinan sang kabuhi. Nagpa-Bible study sia sa mga Saksi ni Jehova. Nagdayaw gid sia kay natun-an niya nga ang Biblia nagasanto sa science. Nabawtismuhan sila nga duha ni Yelena sang 1995

Ang Ginsiling sang Iya Asawa nga si Yelena a

Paano kamo naghanda ni Sergey sa paghingabot?

Sang nagbag-o ang sitwasyon sa Russia sang 2017, wala kami nabalaka. Gintugyan namon ini kay Jehova. Bilang isa ka pamilya, ginsunod namon ang laygay sang organisasyon ni Jehova kag nagdesisyon kami nga indi namon pagtugutan ang bisan ano nga pauntaton kami sa pag-alagad kay Jehova. Padayon lang kami nga nagtuon, nagbantala, nag-attend sa mga miting, nagpangamuyo kag nagpalig-on sa amon mga kauturan.

Paano ka ginbuligan ni Jehova samtang layuanay kamo sang imo bana?

Subong, pirme na gid ako nagapakighambal kay Jehova halin sang ginpriso si Sergey. Nabatyagan ko gid nga suod si Jehova sa akon. Kag wala niya ako ginpabay-an nga ako lang ang mag-atubang sini nga sitwasyon. May mga tion nga bag-o lang ako makatapos pangamuyo kag mabatyagan ko dayon ang sabat ni Jehova paagi sa mainayuhon nga tinaga, hakos, ukon iban pa nga bulig halin sa iban. Daw pareho lang nga ginagamit sila ni Jehova para kungkungon ako. Bangod sini nga mga bulig wala ako nasobrahan sa pagpamensar sang akon mga problema. Nakabulig ini sa akon nga himuon ang akon masarangan nga buligan man ang iban.

Nagapasalamat kita sa halimbawa sang katutom kag pagsalig kay Jehova nga ginpakita ni Sergey kag Yelena. Samtang makita naton nga matutom sila kag ginabuligan ni Jehova, sigurado gid kita nga “ang kamot ni Jehova indi malip-ot nga indi makaluwas, ukon ang iya dulunggan bungol nga indi makabati.”—Isaias 59:1.

Time Line

Marso 15, 2022

Ginsugdan ang kaso. Gindala sia para interogahon kag ginbutang sa temporary detention
Marso 16, 2022

Gin-raid ang iya balay
Marso 17, 2022

Ginsaylo sia sa pretrial detention
Marso 30, 2023

Ginsugdan ang hearing
Septiembre 14, 2023

Nagdesisyon ang korte nga guilty sia kag ginsentensiahan nga mapriso sing anom ka tuig kag isa ka bulan

a Si Brother Gromov ara sa pretrial detention samtang ginahanda ini nga artikulo. Wala sia mainterbyu.

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE