Sang Mayo 23, 2019, gin-deny sang panel sang tatlo ka hukom sang Oryol Regional Court ang appeal ni Dennis Christensen kag ginsuportahan sini ang sentensia sa iya nga anom ka tuig nga pagkapriso. Mga 80 ka kauturan naton ang nagtambong sa sini nga bista. Nagtambong man ang mga opisyal halin sa Australia kag Denmark. Ang desisyon sa sini nga kaso ginareport na sang media sa bilog nga kalibutan.

Sang nagligad nga tatlo ka bulan sugod sang ginsentensiahan si Brother Christensen sang Pebrero, may ginhimo nga 115 ka pagpang-raid sa mga balay kag nagdugang sing tatlo ka pilo ang mga kaso kriminal nga ginpasaka batok sa mga Saksi ni Jehova kon ikumparar sa nagligad nga tatlo ka bulan.

Nagapangamuyo kita para kay Brother Christensen kag sa aton mga masigkatumuluo sa Russia. Nagasalig kita nga si Jehova “malapit sa tanan nga nagapanawag sa iya” kag padayon nga magabulig sa aton kauturan para makapadayon sila nga malig-on sa pag-atubang sang paghingabot.—Salmo 145:18.