Sang Enero 29, 2021, ginsuportahan sang Ulyanovsk Regional Court ang desisyon sang una nga korte sang Oktubre 2020 nga guilty sanday Brother Aleksandr Ganin, Brother Khoren Khachikyan, Brother Andrey Tabakov, kag Brother Mikhail Zelenskiy, pati man si Brother Sergey Mysin kag ang iya asawa nga si Nataliya. Ang kalawigon sang sentensia sa ila nga suspended prison amo gihapon, magluwas lang kay Sergey. Gindugangan sang korte ang kalawigon sang iya sentensia, gani ang iya apat ka tuig nga sentensia nangin apat ka tuig kag tunga na. Indi sila kinahanglan nga prisuhon sa sini nga tion.