Sang Oktubre 28, 2020, ginsuportahan sang Bryansk Regional Court ang desisyon nga guilty si Brother Vladimir Khokhlov, Brother Zhinzhikov, Sister Tatyana Shamsheva, kag Sister Olga Silaeva. Ginsentensiahan sila nga mapriso halin sa isa ka tuig asta sa isa ka tuig kag tatlo ka bulan. Pero bangod ginpriso na sila antes pa sila ginbista, indi na sila kinahanglan nga prisuhon pa. Bangod sa sini nga desisyon subong nga adlaw, padayon sila nga tamdon bilang mga kriminal. Bisan pa sina, nalipay sila nga indi na sila pagprisuhon. Ang mga nagasumbong sa ila indi na makaapelar para magpangabay sing mas mabug-at nga silot.

Antes sang una nga desisyon batok sa ila, ining duha ka brother napriso na sing 316 ka adlaw sa pre-trial detention kag ining mga sister naman sing 245 ka adlaw. Sang nakagua sila, gin-interbyu ining mga sister kag makita ini sa 2020 Update sang Nagadumala nga Hubon #5. Siling nila, nakabulig gid sa ila ang pagpangamuyo, pagbasa sang Biblia, kag ang mapinasalamaton nga panimuot para indi madula ang ila kalipay samtang nagabatas sila.