NOBIEMBRE 27, 2023
RUSSIA

“Ihatag ni Jehova ang Pinakamaayo nga Solusyon”

I-PLAY

Sa indi madugay, ipahibalo sang Dzerzhinskiy District Court of Yaroslavl ang desisyon sini sa kaso ni Brother Anton Kokovin. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Anton Kokovin

Natawo: 1990 (Yaroslavl, Yaroslavl Region)

Biograpiya: Nagaobra sia bilang communications engineer

Gintudluan sia sang iya nanay sang mga prinsipio sa Biblia halin sang bata pa sia. Sang tin-edyer sia, ginpamensaran niya sing maayo ang kabuhi. Nabawtismuhan sia bilang isa sa mga Saksi ni Jehova sang 2009

Ang Iya Ginsiling

Ano ang nakabulig sa imo nga padayon nga magsalig kay Jehova?

Gintagna ni Jesus nga hingabuton ang iya mga sumulunod. Gani kabalo si Jehova kon ano ang nagakatabo kag kon paano niya ako buligan. Ang giya nga akon nabaton paagi sa iya Pulong kag sa iya organisasyon amo gid ang kinahanglan ko para makapabilin nga matutom. Ginapensar ko man ang ginasiling sang Salmo 30:11: “Ginbayluhan mo ang akon paglalaw sing sinaot; gin-uba mo ang ginasuksok ko nga sako kag ginpapanaptan ako sing kalipay.” Madamo nga butang ang wala ko nabal-an parte sa akon sitwasyon. Pero nagasalig ako nga ini nga teksto matuman gid sa akon. Kabalo ko nga ihatag ni Jehova ang pinakamaayo nga solusyon.

Nagasalig man kita nga pakamaayuhon gid ni Jehova ang pagtuo kag pagbatas sang tanan nga nagasuporta sa iya pagkasoberano.—Hebreo 11:6.

Time Line

Mayo 18, 2022

Ginsugdan ang kaso
Mayo 19, 2022

Gin-raid ang ila balay kag gin-interogar sia
Hunyo 6, 2022

Ginkasuhan sia nga nagapartisipar sa hilikuton sang isa ka extremist nga organisasyon kag ginbutangan sang restriksion ang iya pagbiyahe
Mayo 29, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE