MAYO 21, 2024
RUSSIA

Isa ka Kadungganan nga Mapangapinan ang Ngalan ni Jehova

I-PLAY

Sa indi madugay, ipahibalo sang Biysk City Court of the Altai Territory ang desisyon sini sa kaso ni Brother Sergey Lukin. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Sergey Lukin

Natawo: 1971 (Biysk)

Biograpiya: May ara sia sang hatchery sang mga isda

Napangasawa niya si Yelena sang 1991. May ara sila isa ka bata nga lalaki, isa ka bata nga babayi, kag isa ka apo nga babayi

Ang nanay ni Sergey nangin Saksi ni Jehova sang 1998. Ginpalig-on niya si Sergey nga magbasa sang Biblia. Nanamian gid si Sergey nga nagasantuanay ang sarisari nga bahin sang Biblia. Nabawtismuhan sia sang 2010

Ang Iya Ginsiling

Ano nga teksto sa Biblia ang nagpabakod sa imo?

Sang nangin isa ako sa mga Saksi ni Jehova, madamo gid ako sang kabudlayan nga naatubang. Nadulaan ako sang obra kag ginpamatukan ako sang akon pamilya. Sina nga tion, grabe gid ang akon kasubo. Napalig-on gid ako sang Salmo 118:6: “Si Jehova yara sa akon tupad; indi ako mahadlok. Ano ang mahimo sang tawo sa akon?” Kon may problema ako nga maatubang subong, ginapabakod ako sa ginasiling sini nga Salmo. Halimbawa, sang gin-raid sang mga awtoridad ang akon balay kag gindala ako para interogahon, kabalo ko nga wala sing rason nga mahadlok ako. Ginbuligan ako ni Jehova nga mangin kalmado. Gani nalipay gid ako. Nadumduman ko ang ginbatyag sang mga apostoles pagkatapos nga ginsakit sila bangod kay Jesus. Mas naintiendihan ko na subong nga isa gid ka daku nga kadungganan nga pangapinan ang ngalan ni Jehova. Gusto ko gid himuon ang tanan nga masarangan ko para mangin takus sa sina nga kadungganan.

Nalipay gid kita sa halimbawa ni Sergey, bangod nagapahanumdom ini sa aton nga ang aton gugma kay Jehova ‘nagatabog sang kahadlok.’—1 Juan 4:18.

Time Line

Disiembre 1, 2022

Ginsugdan ang kaso
Enero 25, 2023

Gin-raid ang iya apartment kag opisina. Gin-interogar sia kag ginbutangan sang restriksion ang iya pagbiyahe
Enero 25, 2024

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE