Sa Septiembre 16, 2020, * ipahibalo sang Sverdlovskiy District Court sa siudad sang Kostroma ang desisyon sini sa kaso ni Brother Sergey Rayman kag sang iya asawa nga si Valeriya. Ang kada isa sa ila mahimo pamatbatan sing pito ka tuig nga suspended prison sentence.

Sergey Rayman

• Natawo: 1996 (Kineshma, Ivanovo Region)

• Biograpiya: Nagtuon sia sing konstruksion sa isa ka technical school. Nangin eksperto sia sa interior design. Bangod sa impluwensia sang iya lola, natun-an niya nga higugmaon kag respetuhon ang Biblia. Ginpangasawa niya si Valeriya sang 2015. Nanamian sia magluto kag mag-ski

Valeriya Rayman

• Natawo: 1993 (Sharya, Kostroma Region)

• Biograpiya: Napatay ang iya tatay sang dies anyos sia. Nakilala niya si Jehova paagi sa iya nanay. May lisensia sia bilang hairdresser

Sang aga sang Hulyo 25, 2018, naggamit sing mga bara ang armado nga mga pulis para puersa nga makasulod sa balay nanday Brother kag Sister Rayman. Gin-aresto nila ang mag-asawa. Duha ka adlaw nga ginpriso si Sister Rayman kag si Brother Rayman naman 59 ka adlaw nga ginbartolina. Gindumilian sang mga awtoridad si Brother Rayman nga makigkomunikar sa iban nga mga Saksi ni Jehova. Gindumilian man sila nga maggua sa ila balay kon gab-i. Daku gid ang epekto sining makapa-stress nga hitabo sa ila emosyon kag panglawas.

Samtang ginahulat sining lamharon nga mag-asawa ang desisyon sa ila kaso, ginapangamuyo naton nga padayon sila nga mangin maisog kag mabakod, kag nagasalig nga indi sila pagpabay-an ni Jehova.—Josue 1:9.