MAYO 3, 2023
RUSSIA

“Kabalo Gid si Jehova”

I-PLAY

Sa indi madugay, ipahibalo sang Kirovskiy District Court of Kazan ang desisyon sini sa kaso ni Brother Aleksey Gerasimov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Aleksey Gerasimov

Natawo: 1980 (Ust-Kut, Irkutsk Region)

Biograpiya: Nagaobra sia bilang drayber

Napangasawa niya si Nataliya sang 2006

Sang nakita niya ang gugma sa mga Saksi ni Jehova, nakumbinsi sia nga sila ang matuod nga mga Cristiano. Dungan nga nabawtismuhan si Aleksey kag si Nataliya sang 2007

Ang Iya Ginsiling

Ano nga teksto sa Biblia ang nakabulig gid sa imo sa sining mabudlay nga tion?

Naluyahan gid ako sang gin-raid ang amon balay. Kag pila ka adlaw antes sang akon una nga hearing sa korte, daw indi na ako mahim-os. Pero, napalig-on ako sang ginpahanumdom ako sang isa ka brother sang teksto sa Isaias 49:15, 16, diin nagsiling si Jehova: “Malimtan bala sang iloy ang iya nagatiti pa nga lapsag kag indi bala sia maluoy sa iya anak? Bisan pa ining mga babayi malipat, indi gid ako malipat sa imo. Tan-awa! Gintigib ko ang imo ngalan sa akon mga palad.” Ini nga teksto nagpasalig sa akon nga kabalo gid si Jehova kon diin ako kag kon ano ang nagakatabo sa akon, kag indi gid niya ako pagbiyaan. Ini nga eksperiensia nakabulig sa akon nga maintiendihan nga si Jehova malig-on gid nga dalangpan.

Nabal-an ta nga indi gid pagbiyaan ni Jehova ang mainunungon niya nga mga alagad. Matutom sia kag buligan gid niya kita nga mabatas ang bisan ano nga pagtilaw.—1 Corinto 10:13.

Time Line

Pebrero 10, 2022

Ginsugdan ang kaso
Marso 18, 2022

Gin-raid ang iya balay kag gin-interogar sia
Septiembre 23, 2022

Ginbutangan sing restriksion ang iya pagbiyahe
Pebrero 22, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE