Sa indi madugay, ipahibalo sang Yugorskiy District Court of the Khanty-Mansi Autonomous Area—Yugra ang desisyon sini sa kaso ni Brother Andrey Zhukov. Wala pa sing may ginsiling ang piskal kon ano nga sentensia ang gusto niya sa sini nga kaso.

1. Agosto 17, 2020

   Ginpasakaan sing kaso si Andrey, kag gin-akusar sia nga sekreto nga nagadumala sang mga pagtinipon sang isa ka “extremist” nga organisasyon

2. Agosto 19, 2020

   Siam ka balay sang mga Saksi ni Jehova ang gin-raid, lakip ang balay ni Andrey. Gindala sia sa isa ka temporary detention center

3. Agosto 20, 2020

   Ginpagua sia pero may mga restriksion sia nga dapat sundon

4. Enero 14, 2021

   Gindugang sia sa listahan sang mga extremist, kag indi na niya makuha ang iya kuarta sa banko

5. Agosto 4, 2021

   Gindugangan sang awtoridad ang akusasyon sa kay Andrey, lakip ang “pagpangamuyo sa kay Jehova nga Dios, paghiwat sang relihioso nga mga seremonya, kag pagtuon sa mga balasahon parte sa relihion.” Dayon gin-interogar sia

6. Oktubre 15, 2021

   Gin-deny ang mga pangabay nga tapuson na ang kaso

7. Disiembre 29, 2021

   Ginsugdan ang hearing

Ang suporta nga ginahatag ni Jehova kay Andrey kag sa tanan nga kauturan nga nagabatas sang mga pagpamatok padayon nga ‘tanda sang iya kaayo’ kag nga sia “manugbulig kag manuglugpay.”—Salmo 86:17.