HUNYO 20, 2023
RUSSIA

“Makapabilin Ako nga Matutom kag Mainunungon”

I-PLAY

Sa indi madugay, ipahibalo sang Oktyabrskiy District Court of Novosibirsk ang desisyon sini sa kaso ni Sister Tatyana Oleynik. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Tatyana Oleynik

Natawo: 1952 (Khrushchevo, Tula Region)

Biograpiya: Napatay ang nanay ni Tatyana sang lima ka tuig ang iya edad. Nag-obra sia bilang crane operator. May bata sia nga lalaki kag babayi

Nabawtismuhan sia bilang Saksi ni Jehova sang 2001

Ang Iya Ginsiling

Ano nga Cristianong kinaiya ang nakabulig sa imo sa sining mabudlay nga tion?

Mabudlay gid ang akon sitwasyon, gani natun-an ko nga importante nga mangin mapainubuson ako. Sang una, masami ginahimo ko kon ano ang gusto ko. Pero sang makita ko ang kaayuhan kon sundon naton ang mga direksion nga ginhatag sa aton, napalig-on ako sini nga padayon nga sundon ini nga mga direksion.

Paano ka nakabenepisyo sa halimbawa sang maisog nga kauturan nga nagabatas man sang paghingabot?

Kon mabasahan ukon mabatian ko ang ila eksperiensia, nagapasalig ini sa akon nga wala ako nagaisahanon. Kon makabatas ang akon mga kauturan, makapabilin man ako nga matutom kag mainunungon kay Jehova. Kilala ko gid si Brother Aleksandr Seredkin kag ang iya asawa. Ara sia subong sa prisuhan kay ginsentensiahan sia sang anom ka tuig nga pagkapriso. Napalig-on gid ako sang ila halimbawa kag ginpakita sini kon paano nagabulig si Jehova sa madamo nga paagi. Matuod gid ang ginsiling sang Hebreo 13:5, 6: “Kay ang Dios nagsiling: ‘Indi ko gid kamo pagbayaan, kag indi ko gid kamo pagpabay-an.’ Gani, makasiling kita nga may pagsalig: ‘Si Jehova ang akon manugbulig; indi ako magkahadlok.’”

Makasalig kita nga padayon nga pakamaayuhon ni Jehova si Tatyana kag ang tanan nga “handa sa pagtuman” sa tanan nga butang.—Santiago 3:17.

Time Line

Abril 19, 2019

Gin-raid ang iya balay
Nobiembre 18, 2021

Ginkasuhan sia
Enero 26, 2023

Nagsugod ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE