1. Sa indi madugay ipahibalo sang Partizansk City Court of the Primorye Territory ang desisyon sini parte sa kaso ni Sister Irina Buglak. Wala pa sing may ginsiling ang piskal kon ano nga sentensia ang gusto niya sa sini nga kaso

2. Agosto 6, 2021

   Ang kaso ni Irina ginbalik sa Partizansk City Court para ma-hearing

3. Nobiembre 30, 2020

   Bangod wala sing ebidensia, ang kaso ni Irina ginbalik sa opisina sang piskal

4. Enero 31, 2020

   Gintapos ang pag-house arrest sa iya sa tapos sang 107 ka adlaw

5. Oktubre 16, 2019

   Sa tapos sang 179 ka adlaw nga pagpriso sa iya, ginpagua si Irina sa pretrial detention center kag gin-house arrest

6. Abril 20, 2019

   Sang alas 3:00 sa kaagahon, gin-raid sang mga FSB agent ang balay ni Irina. Gin-akusar sia sang mga awtoridad sang kaso nga pag-organisar kag pagdumala sang relihioso nga mga miting. Ginsaylo sia sa pretrial detention facility, kag tatlo ka beses na nga gin-extend ang pagpriso sa iya

7. Abril 19, 2019

   Gin-raid sang walo ka FSB agent ang balay sang 80 anyos nga si Sister Nelly Tarasyuk. Si Irina kag ang iya bata nga si Natalya, ato man didto sa apartment upod sa pila ka sister. Samtang ginahimo ang pag-raid, naglain ang pamatyag ni Nelly kag gindala sia sa ospital. Ang iban pa nga mga sister gin-aresto kag gin-interogar sa bilog nga gab-i. Si Irina gin-detain

Nagapangamuyo kita nga pirme pabakuron ni Jehova si Irina kag ang tanan naton nga kauturan sa Russia nga padayon nga nagabatas nga may pagpailob kag kalipay.—Colosas 1:11.