DISIEMBRE 16, 2022
RUSSIA

Malipayon Bisan Pa Sigesige ang Kabudlayan

I-PLAY

Sa indi madugay, ipahibalo sang Central District Court of Sochi ang desisyon sini sa kaso ni Brother Danil Suvorov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Danil Suvorov a

Natawo: 1995 (Almetyevsk, Republic of Tatarstan)

Biograpiya: Nag-obra sia bilang salesman sa isa ka hardware store

Ginpadaku sia nga isa ka Saksi ni Jehova sang iya nanay. Nabawtismuhan sia sang 2011

Ang Ginsiling sang Iya Nanay nga si Sister Gulnara Suvorova b

Ano ang nakabulig kay Danil nga mabatas ang pagpriso sa iya?

Bisan indi ko sia puede bisitahan, nabaton ko ang iya mga sulat. Pirme ako ginasilingan ni Danil nga indi magkabalaka, kag wala gid sia nagareklamo. Ginapasalig niya ako nga nabatyagan niya nga ginabuligan gid sia ni Jehova. Nanamian ang iban magpakig-istorya kay Danil kay mabuot gid sia kag nagapamati sing maayo sa iya kaistorya. Maintiendihan niya ang iban nga may mga problema. Gani, napalig-on gid ako sang nabal-an ko nga ginhimo niya ang iya selda nga personal nga teritoryo niya. Bangod ginasaylosaylo ang mga priso, pirme sia may maistorya nga bag-o nga priso. Ginabasa man niya ang Biblia, nagahanda sia para sa mga miting, kag ginahimo niya ang tanan niya nga masarangan sa pag-alagad kay Jehova.

Ano ang natun-an mo parte kay Jehova sa sining mabudlay nga eksperiensia?

Bisan nakita ni Jehova nga madamo ang nagahimo sang malain sa duta, wala madula ang iya kalipay. Sa 2 Cronica 16:9 sia nagsiling: “Kay ang mga mata ni Jehova nagatan-aw sa bug-os nga duta agod ipakita ang iya kusog para sa ila nga ang tagipusuon bug-os sa iya.” Gani pirme nagapangita sing paagi si Jehova para buligan ang iya mga alagad. Nabal-an ko nga kon himuon ko man ang akon masarangan para magbakod ang akon pagtuo kag magpokus sa pagbulig sa iban sa kongregasyon kag sa ministeryo, indi ako maluyahan sing buot.

Makapalig-on gid nga kon himuon naton ang aton masarangan sa pag-alagad kay Jehova kag mangin malapit pirme sa iya, padayon kita nga mangin malipayon bisan ano man nga kabudlayan ang maatubang naton.—Salmo 16:11.

Time Line

Agosto 13, 2021

Ginsugdan ang kaso base sa ginsiling sang isa ka tawo nga nagkooperar sa mga awtoridad kag nagpakunokuno nga interesado sa Biblia
Agosto 18, 2021

Gin-raid ang ila balay. Gin-aresto sia kag ginbutang sa temporary detention
Agosto 19, 2021

Ginsaylo sia sa pretrial detention
Abril 29, 2022

Ginkasuhan sia nga nagaorganisar, nagaentra, kag nagapang-recruit para mag-entra ang iban sa extremist nga organisasyon
Hunyo 10, 2022

Ginsugdan ang hearing

a b Samtang ginahanda ini nga artikulo, si Brother Suvorov ara sa pretrial detention gani wala sia mainterbyu.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE