OKTUBRE 21, 2021
RUSSIA

Malipayon Bisan sa Malawig nga Pag-detain kag Pag-house Arrest sa Russia

I-PLAY

Time Line

Sa indi madugay, ipahibalo sang Trusovskiy District Court of Astrakhan ang desisyon sini sa kaso ni Brother Rustam Diarov, ni Brother Yevgeniy Ivanov kag sang iya asawa nga si Olga, kag ni Brother Sergey Klikunov. a Wala pa sing may ginsiling ang piskal kon ano nga sentensia ang gusto niya sa sini nga kaso
Hunyo 11, 2020

Si Rustam, si Yevgeniy, kag si Sergey ginbutang sa isa ka pretrial detention facility. Si Olga gin-house arrest
Hunyo 9, 2020

Gin-raid sang sobra 100 ka pulis ang mga balay sang 27 ka pamilya sang mga Saksi ni Jehova sa siudad sang Astrakhan. Sanday Rustam, Yevgeniy, Olga, kag Sergey ginbutang sa isa ka temporary detention
Hunyo 8, 2020

Ginsugdan ang kaso kontra kanday Rustam, Yevgeniy, Olga, kag Sergey. Ang mga brother ginkasuhan nga amo ang nagaorganisar kag nagagasto sa extremist nga mga hilikuton. Si Olga ginkasuhan nga nagapakigbahin sa extremist nga mga hilikuton

Impormasyon Parte sa Ila

Olga Ivanova

Natawo: 1982 (Volzhsky, Volgograd Region)

Biograpiya: Sang bata pa sia, natun-an niya nga magtokar sang accordion. Gintun-an man niya ang parte sa mga lenguahe kag nag-obra bilang English tutor

Nahadlok gid sia sa kamatayon sang bata pa sia. Sang nagtin-edyer si Olga, nakilala sang iya nanay ang mga Saksi ni Jehova, kag gintudluan niya si Olga parte sa Biblia. Nabawtismuhan sia sang 1997

Ang Iya Ginsiling

Ano ang nakabulig sa imo nga mabatuan ang pagluya sang buot sang ginbulag ka sa imo bana?

Ang halimbawa ni Jehova kag ni Jesus nakabulig sa akon nga makabatas. Nagbulagay man si Jehova kag ang iya abyan nga si Jesus sa sulod sang 33 ka tuig kag tunga. Ginhimo nila ini para sa kaayuhan sang mga tawo, lakip ako. Best friend ko ang akon bana, kag nahidlaw na gid ako sa iya. Pero indi man siguro kami magbulagay sing pareho kalawig sa pagbulagay [ni Jehova kag ni Jesus]. Sigurado nga buligan kami ni Jehova nga mabatas ini tanan.

Sergey Klikunov

Natawo: 1975 (Astrakhan)

Biograpiya: Nagaobra sia bilang welder antes sia ginbutang sa pretrial detention. Sia kag ang iya asawa nga si Irina dungan nga nagtuon sang Biblia. Nabuligan sia sang mga prinsipio sa Biblia nga mauntatan ang pagpanigarilyo. Nabawtismuhan sia sang 2007. May isa sila ka bata nga babayi. Kon makalugar sia, mahilig sia magpangisda kag maggitara

Ang Iya Ginsiling

Ano ang nakabulig sa imo nga padayon nga mangin matutom sang ginbutang ka sa pretrial detention?

Sugod sang ginbutang ako diri, mas nga naapresyar ko pa gid ang pagpangamuyo. Kinahanglan ko gid mangamuyo ilabi na kay anom ka bulan na subong nga ginabartolina ako. Mabudlay ang akon sitwasyon pero nabatas ko ini sa bulig sang pangamuyo. Kon daw indi na gid ako makaagwanta, nagaluhod ako kag ginasugid ko sa aton Amay ang tanan ko nga ginabatyag. Mabatyagan ko dayon ang paumpaw kag kalinong, kag nagatawhay ang akon pamatyag. Nagadayaw gid ako sa bulig nga ginahatag ni Jehova sa tion nga kinahanglan gid naton ini. Bug-os gid ang akon pagsalig sa iya gani wala ako nahadlok.

Naumpawan gid kita kay bal-an naton nga sa tion sang kabudlayan kag pagtilaw, si Jehova malapit gid sa iya matutom nga mga alagad.—Salmo 139:5, 10.

a Ang petsa sang desisyon sang korte wala pirme ginapahibalo sing abanse.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE