Sugod sang gin-ban ang organisasyon sang mga Saksi ni Jehova sa Russia sang 2017, ginhingabot sang mga awtoridad ang mga kauturan sa bilog nga pungsod. Ang pinakabata nga ginhingabot nagaedad sing 18 anyos kag ang pinakatigulang nagaedad sing 89 anyos. Sa report sang Hulyo 2021, 18 na ka brother kag sister nga nagaedad sing 60 anyos pasaka ang ginsentensiahan bangod lang sa ila pagsimba sing malinong. Tatlo sa ila ang ginpriso. a Ginpadaku sa 2021 Update sang Nagadumala nga Hubon #4 ang parte sa pag-atake sang mga awtoridad sa aton mga tigulang nga mga kauturan.

Paano nabatas sang aton pinalangga nga mga tigulang ang paghingabot sa ila? Nalipay kami nga isugid sa inyo ang pila sa ginsiling sang aton matutom nga mga kauturan. Sigurado nga mapalig-on gid kamo sa sini.

Ginapasalamatan gid naton ang maayo nga halimbawa sang katutom sang aton tigulang na nga mga kauturan sa Russia. Maayo gid nga ilugon ang ila maisog nga pagpanindugan sa kon ano ang husto. Pero ang mas importante, napalipay nila si Jehova nga Dios.—Hulubaton 16:31.