Sa indi madugay, ipahibalo sang Kovrovskiy City Court of the Vladimir Region ang desisyon sini sa kaso ni Brother Aleksey Kupriyanov. Wala pa sing may ginsiling ang piskal kon ano nga sentensia ang gusto niya sa sini nga kaso.

Gusto man naton gamiton ang tanan nga nabaton naton halin kay Jehova, nga makabulig sa aton nga “isuklob ang kompleto nga hinganib” kag para ‘makatindog kita sing malig-on batok sa tuso nga mga pahito sang Yawa.’—Efeso 6:11.

1. Pebrero 17, 2021

   Gin-raid sang mga pulis ang pito ka balay sang mga Saksi ni Jehova, lakip ang balay sang mga Kupriyanov. Beinte tres ka kauturan ang gin-interogar

2. Hunyo 28, 2021

   Ginsugdan ang kaso. Gin-akusahan sia nga nagaentra sa mga hilikuton sang isa ka extremist nga organisasyon bangod naga-attend sia sa mga miting

3. Hulyo 8, 2021

   Gin-raid sa ikaduha nga beses ang iya balay. Gin-interogar sia kag ginbutang sa temporary detention

4. Hulyo 9, 2021

   Ginsaylo sia sa pretrial detention center

5. Nobiembre 19, 2021

   Ginpagua sia sa pretrial detention pero gin-house arrest gihapon

6. Hunyo 21, 2022

   Gintapos ang pag-house arrest sa iya pero may mga restriksion gihapon kon diin sia makakadto ukon kon ano ang puede niya himuon

7. Oktubre 4, 2022

   Ginsugdan ang hearing