Bag-o lang namon nabalitaan nga nag-apelar ang piskal sang Kursk Regional Public Prosecutor’s Office nga si A. A. Shatunov nga indi pagtugutan nga makagua sa prisuhan si Brother Dennis Christensen antes pa niya matapos ang sentensia sa iya. Ang mga abogado ni Brother Christensen maga-file sang objection sa sini, pero mahimo gid nga sinemana pa antes maiskedyul ang pagbista. Ginbutang si Brother Christensen sa isa ka selda nga para sa mga priso nga ginasilutan, kag magatener sia diri sa sulod sang pulo ka adlaw. Pero bisan pa amo sini ang natabo, positibo gihapon si Brother Christensen. Salamat sa inyo padayon nga mga pangamuyo para kanday Brother kag Sister Christensen.