Sang Abril 29, 2021, ginsuportahan sang Court of the Jewish Autonomous Region ang desisyon nga guilty si Igor kag padayunon ang sentensia sa iya nga duha ka tuig kag tunga nga suspended prison.

Sang Pebrero 12, 2021, nagdesisyon ang Birobidzhan District Court of the Jewish Autonomous Region nga guilty si Igor. Ginsentensiahan sia sing duha ka tuig kag tunga nga suspended prison sentence.

Si Igor padayon nga nangin kalmado kag positibo sa iya pag-atubang sa korte. Sa iya katapusan nga mensahe sa korte sang Pebrero 11, 2021, nagsiling sia: “Ginpamensar ko gid kon paano ko sugdan ining akon mensahe, kag nagdesisyon ako nga sundon ang laygay ni apostol Pablo sa tanan nga Cristiano. Sa iya sulat sa mga taga-Colosas, ginpalig-on niya sila: ‘Ipakita nga mapinasalamaton kamo.’

“Gani, gusto ko ikaw pasalamatan, Your Honor, kay nangin matawhay gid ini nga pag-hearing, kag sa pagpamati sing maayo sa amon. . . . Pero lubos gid ako nga nagapasalamat sa aton Manunuga kag Dios, nga si Jehova, kay ginbuligan gid niya ako halin sang nagsugod ini nga kaso batok sa akon. Ginbuligan niya ako nga mangin kalmado kag ginhatagan niya ako sing kalinong.”—Colosas 3:15.