Sang Hunyo 23, 2020, nagdesisyon ang Lgovskiy District Court sa Kursk Region nga paguaon sa prisuhan si Brother Dennis Christensen antes pa niya matapos ang sentensia sa iya. Nagpasugot ang judge sa pangabay sang piskal nga multahan na lang si Brother Christensen sing 400,000 rubles (ukon $5,759 U.S.) para temprano sia nga makagua sa prisuhan. Si Brother Christensen paguaon sa prisuhan pagkatapos sang pulo ka adlaw, kag puede na niya makaupod ang iya asawa, pamilya, kag mga kauturan. Ginadayaw gid naton si Jehova sa sining makalilipay nga balita!