AGOSTO 16, 2023
RUSSIA

“Nahiusa Kami Tanan”

I-PLAY

Sang Agosto 1, 2023, ginsentensiahan nga guilty sang Khabarovskiy District Court of the Khabarovsk Territory si Sister Lyubov Kocherova kag si Sister Lyubov Ovchinnikova. Kada isa sa ila ginsentensiahan sang anom ka tuig nga suspended prison. Indi nila kinahanglan nga mapriso sa sini nga tion.

Impormasyon Parte sa Ila

Lyubov Kocherova

Natawo: 1958 (Kazakhstan)

Biograpiya: Nag-obra sia bilang telegraph operator

Una niya nga nakilala ang mga Saksi ni Jehova sa iya magulang nga lalaki. Nagdayaw gid sia sang nakita niya nga maayo ang epekto sang ginsunod sang iya pamilya ang mga prinsipio sa Biblia. Nabawtismuhan sia sang 2002

Ang Iya Ginsiling

Ano ang nakabulig sa imo nga padayon nga magsalig sa gugma kag suporta ni Jehova?

Kon nasubuan gid ako, nabudlayan ako magpokus sa pagbasa. Gani nagapamati ako sa mga audio recording sang Biblia kag sang base sa Biblia nga mga publikasyon. Nakabulig ini sa akon nga pamensaran sing maayo ang akon ginapamatian, gani nabatyagan ko ang pagpalangga kag pag-atipan ni Jehova samtang ginagiyahan niya ako. Nagapasalamat gid ako kay Jehova kay ginpabatyag niya sa akon nga importante ako kag ginbuligan nga makabatas kag mangin maisog para masarangan ini nga mga kabudlayan.

Lyubov Ovchinnikova

Natawo: 1958 (Shchelkonogovskiy, Sverdlovsk Region)

Biograpiya: Nag-obra sia bilang maestra sa nursery. Nabalo sia sang 1997

Nagdayaw gid sia kay maathag ang panudlo sang Biblia kag sa praktikal nga giya nga makita sa sini. Nabawtismuhan sia sang 1997

Ang Iya Ginsiling

Paano ka nabuligan sang mga pangamuyo sang iban para sa imo?

Ang pangamuyo sang akon mga kauturan nakabulig sa akon nga mabatyagan nga nahiusa kami tanan. Sang nabal-an ko nga ginapangamuyo ako sang iban, mas ginsaligan ko pa gid sila. Subong, nabatyagan ko nga mas nangin suod ako sa kada utod kag ginpalangga ko pa gid sila. Bilang resulta, gindugangan ko man ang akon tion sa pagpamensar kag pagpangamuyo para sa iban, ilabi na sa mga kauturan nga napriso kag sa mga ginahingabot ukon nagaantos bangod sang kalamidad ukon balatian.

Ang mga eksperiensia sang mga nagabatas sing matutom sa paghingabot nagapahanumdom sa aton nga si Jehova mahigugmaon nga ‘nagahatag sing kusog sa tanan.’—1 Cronica 29:12.

Time Line

2019-2020

Sekreto nga ginrekord sang mga awtoridad ang pag-istoryahanay sining duha ka sister
Marso 3, 2022

Gin-raid ang balay ni Lyubov Kocherova. Ginkompiskar ang iya cellphone kag kompyuter
Mayo 26, 2022

Ginsugdan ang kaso kay Lyubov Kocherova
Mayo 28, 2022

Gin-interogar si Lyubov Kocherova
Nobiembre 7, 2022

Ginsugdan ang kaso kay Lyubov Ovchinnikova. Gintingob ang ila kaso
Enero 21, 2023

Gin-raid liwat ang balay ni Lyubov Kocherova
Abril 25, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE