MAYO 29, 2023
RUSSIA

Nakabulig ang mga Prinsipio sa Biblia nga Mabatas sang mga Brother ang Paghingabot

I-PLAY

Sa indi madugay, ipahibalo sang Pozharskiy District Court of Primorsky ang desisyon sini sa kaso nanday Brother Nikolay Dikhtyar, Brother Andrey Lyakhov, Brother Yuriy Ponomarenko, kag Brother Oleg Sergeyev.

Impormasyon Parte sa Ila

Nikolay Dikhtyar

Natawo: 1954 (Ukraine)

Biograpiya: Nag-obra sia bilang engineer nga nagapanghimo sang heating kag cooling system

Nakumbinsi sia nga ang ginasiling sang Biblia matuod gid sang nakita niya kon paano nagakatuman ang mga tagna sa Biblia. Nabawtismuhan sia bilang isa sa mga Saksi ni Jehova sang 1998

Ang Iya Ginsiling

Ano ang nakabulig sa imo para may husto ka nga pagtamod sa sining mabudlay nga tion?

Sang nagsugod ang paghingabot sa Russia, wala na ako nakibot. Nabal-an ko nga ang pinakamaayo ko nga himuon amo ang paghanda. Kabalo ’ko nga indi ko malikawan ang paghingabot kag ang mga problema. (2 Timoteo 3:12) Ang organisasyon ni Jehova nagahatag gid sang pagpalig-on halin sa Biblia, kag nagabulig man ang mga kauturan paagi sa paglakip sa amon sa ila mga pangamuyo. Pamatyag ko ara lang sa tupad ko si Jehova kag si Jesus. Ginahatagan gid nila ako sang kusog kag ginabuligan nga mangin mapinasensiahon.

Andrey Lyakhov

Natawo: 1978 (Voznesenka, Primorye Territory)

Biograpiya: Naga-design sia sang mga interior kag naga-remodel sa mga konstruksion

Naistorya niya ang mga Saksi ni Jehova sang 2014. Sang makita niya sa Biblia ang sabat sa iya mga pamangkot, nakumbinsi sia nga amo ini ang kamatuoran. Nabawtismuhan sia sang 2016

Ang Iya Ginsiling

Ano ang nakabulig para mangin mabakod pirme ang imo pagtuo?

Kon nagaluya ang akon buot, sobra ang akon kabalaka kag daw mangampo na ako. Para padayon nga mangin malipayon, nabal-an ko nga kinahanglan ko nga mangin mas aktibo pa gid subong. Sa Mateo 6:33, ginpalig-on kita ni Jesus nga ‘padayon nga unahon ang pagpangita sa Ginharian.’ Sang ginpamalandungan ko ini nga teksto, nakabulig ini sa akon nga magpokus sa akon relasyon kay Jehova. Ginpahanumdom ko ang akon kaugalingon nga ginabuligan ako ni Jehova nga masarangan ang bisan ano nga problema. Gani, wala gid sang rason nga mangampo ako kag mabalaka sa kon ano ang posible matabo kag indi matabo.

Oleg Sergeyev

Natawo: 1984 (Vladivostok, Primorye Territory)

Biograpiya: Nagaobra sia bilang elektrisyan

Nangin mga Saksi ni Jehova ang iya mga ginikanan sang gamay pa sia. Paagi sa personal nga pagtuon sang Biblia, nakumbinsi sia nga amo ini ang kamatuoran. Nabawtismuhan sia sang 1999

Napangasawa niya si Anastasiya sang 2010. May tatlo sila ka bata

Ang Iya Ginsiling

May teksto bala sa Biblia nga nakabulig gid sa imo?

Ginpamensaran ko gid sing maayo ang ginsiling ni Jesus sa Lucas 12:25, 26: “Sin-o sa inyo ang makadugang sang iya kabuhi bisan isa lang ka maniko paagi sa pagkabalaka? Gani, kon indi ninyo ina mahimo, ngaa mabalaka kamo sa iban pa nga mga butang?” Ini nga teksto nagpahanumdom sa akon nga imbes mabalaka, kinahanglan ko magsiling nga ‘Tama na!’ kon grabe gid ang akon ginabatyag nga kabalaka. May pila ka butang nga indi ko mabag-o. Ang pinakamaayo ko nga mahimo amo nga batunon kag batason ining bag-o nga mga kabudlayan kag mas magsalig pa gid kay Jehova.

Pareho kay Andrey, Nikolay, Oleg, kag Yuriy, nabal-an naton nga paagi sa pagsunod sang mga prinsipio sa Biblia sa aton kabuhi padayon kita nga ‘masangkapan sing bug-os para sa tagsa ka maayong buhat.’—2 Timoteo 3:16, 17.

Time Line

Hulyo 16, 2021

Gin-imbestigahan sang mga awtoridad si Yuriy. Ginsuspetsahan sia nga nagaorganisar sang mga hilikuton sang isa ka extremist nga organisasyon
Hulyo 22, 2021

Gin-raid ang apartment ni Yuriy
Hulyo 24, 2021

Ginbutangan sing restriksion ang pagbiyahe ni Yuriy
Nobiembre 1, 2021

Gin-raid ang apartment ni Oleg
Nobiembre 2, 2021

Ginbutangan sing restriksion ang pagbiyahe ni Oleg
Pebrero 12, 2022

Gin-akusahan si Oleg kag gindugang sa mga ginpasakaan sang kaso
Marso 14, 2022

Gin-akusahan si Nikolay kag gindugang sa mga ginpasakaan sang kaso
Marso 15, 2022

Gin-akusahan si Andrey kag gindugang sa mga ginpasakaan sang kaso
Agosto 10, 2022

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE