HULYO 8, 2024
RUSSIA

“Nakita Ko Pa Gid Subong ang Pagpakamaayo ni Jehova sa Akon Kabuhi”

I-PLAY

Sa indi madugay, ipahibalo sang Vyselkovskiy District Court of the Krasnodar Territory ang desisyon sini sa kaso ni Brother Viktor Spirichev. Wala pa sang ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Viktor Spirichev

Natawo: 1980 (Samoded, Arkhangelsk Region)

Biograpiya: Nagaobra sia sa konstruksion

Nag-Bible study sia upod sa mga Saksi ni Jehova pagkatapos sang iya pagserbisyo sa militar. Nagdayaw gid sia kay ang tanan niya nga pamangkot nasabat gid sing direkta halin sa Pulong sang Dios

Nabawtismuhan sia sang 2002

Napangasawa niya si Larisa sang 2009

Ang Iya Ginsiling

Ano ang nakabulig sa imo nga makontrol ang imo ginabatyag kag makapabilin nga kalmado?

Sang nagsugod ang paghingabot, nabudlayan gid ako nga batunon kon ano ang nagakatabo. Sang gin-usisa ko ang akon ginabatyag, narealisar ko nga nagasalig lang ako sa akon kaugalingon kag sa akon ginahunahuna. Imbes nga batunon nga ginatugutan ini ni Jehova nga matabo, ginatinguhaan ko ’ya nga makagua sa sini nga sitwasyon. May natun-an ako nga importante nga leksion sa Manugwali 7:16, nga nagasiling: “Indi ka mangin tuman ka matarong, ukon tuman ka maalam.” Nagapasalamat ako kay Jehova kay ginbuligan niya ako nga mabag-o ang akon pagtan-aw sa akon sitwasyon kag mangin mas mapainubuson. Subong, imbes nga magkabalaka sing sobra sa akon ginabatyag ukon magpensar nga insakto ako, mas nagapokus ako sa husto nga motibo kon ngaa ginaalagad ko si Jehova, nga amo ang pagpalangga ko sa iya. Nagbulig ini sa akon nga mangin suod pa gid kay Jehova kag padayon nga magbatas nga may insakto nga pagtan-aw sa akon sitwasyon. Mas nakita ko pa gid subong ang pagpakamaayo ni Jehova sa akon kabuhi.

Nagapasalamat kita kay nabal-an naton nga makasalig kita sa wala tupong nga kaayo ni Jehova samtang padayon kita nga nagapaubos.—1 Pedro 5:5.

Time Line

Pebrero 13, 2022

Gin-raid sang mga awtoridad ang indi magnubo sa 25 ka balay sang mga Saksi ni Jehova sa Vyselki kag Berezanskaya, lakip ang balay ni Viktor kag Larisa
Mayo 23, 2023

Ginsugdan ang iya kaso. Gin-akusahan nga nagapartisipar sa mga hilikuton sang isa ka extremist nga organisasyon. Gin-freeze ang iya mga bank account
Hulyo 11, 2023

Gin-interogar sia sang mga awtoridad
Hulyo 22, 2023

Gin-interogar sia sa ikaduha nga bes. Ginbutangan sang restriksion ang iya pagbiyahe
Enero 30, 2024

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE